Үздіксіз кәсіптік дамыту факультеті

Қазақстан Республикасының Денсаулық сақтау, білім және спорт министрлігінің 1998 жылдың 20 қарашасындағы №574 бұйрығына сай, Оңтүстік Қазақстан медицина академиясының жанындағы үздіксіз кәсіптік дамыту факультеті (ҮКДФ) құрылды. Факультет 1999 жылдың қазан айынан терапевтикалық, хирургиялық, педиатриялық фармацевтикалық профильде сондай-ақ, қоғамдық денсаулық сақтау кафедралардың базасында жұмыс істейді.
2013 ж. 28 тамызындағы ОҚМА ректорының №80п бұйрығы негізінде дәрігерлер мен фармацевтердің біліктілігін жетілдіру факультеті үздіксіз кәсіптік дамыту факультеті болып ауыстырылды.
Біліктілігін жетілдіру және сертификаттау циклдарын ОҚМА-ның профессорлық-оқытушылық құрамының штаттық қатарынан және тәжірибелік денсаулық сақтау мамандарын қосымша дәріс беруге тартумен бірге кафедралардағы оқытушылардың күнтізбелік-тақырыптық бекітілген жоспарына сәйкес жүргізеді.
Академияда әлемнің жетекші Университеттерінде біліктілігін жетілдіруден өткен жоғары білікті, жоғары және бірінші санаттағы ғылыми дәрежесі бар кандидаттар, ғылым докторлары, профессорлық-оқытушылық құрам дәріс береді, жұмыс істейді.
Тыңдаушыларды оқыту екі тілде жүреді, мемлекеттік және орыс тілінде.

Мақсаты:
Кәсіптік білімді, машықтар мен дағдыларды қолдау, кеңейту, тереңдету және жетілдіру, сондай-ақ жаңа (қосымша) құзыреттерді игеру үшін денсаулық сақтау кадрларының білім алу қажеттіліктерін қанағаттандыру.

Міндеттері:
ҮКДФ «Денсаулық сақтау саласындағы мамандарға қосымша және формальды емес білім беру қағидаларын, денсаулық сақтау саласындағы қосымша және формальды емес білімнің білім беру бағдарламаларын іске асыратын ұйымдарға қойылатын біліктілік талаптарын, сондай-ақ қосымша және формальды емес білім беру арқылы денсаулық сақтау саласындағы мамандар алған оқудың нәтижелерін тану қағидаларын бекіту туралы» Қазақстан Республикасы Денсаулық сақтау министрінің 2020 жылғы 21 желтоқсандағы № ҚР ДСМ-303/2020 бұйрығы, «Денсаулық сақтау саласындағы мамандарды сертификаттауға жататын мамандықтар мен мамандандырулар тізбесін бекіту туралы» Қазақстан Республикасы Денсаулық сақтау министрінің 2020 жылғы 30 қарашадағы № ҚР ДСМ-218/2020 бұйрығы және «Денсаулық сақтау саласындағы мамандықтар мен мамандандырулар номенклатурасын, денсаулық сақтау қызметкерлері лауазымдарының номенклатурасы мен біліктілік сипаттамаларын бекіту туралы» Қазақстан Республикасы Денсаулық сақтау министрінің 2020 жылғы 21 желтоқсандағы № ҚР ДСМ-305/2020 бұйрықтарна сәйкес медициналық және фармацевтикалық кадрларды сертификаттау және біліктілікті жетілдіруді мемлекеттік тапсырыс бойынша және шаруашылық есеп айырысу негізінде денсаулық сақтау саласы қызметкерлерінің біліктілігін жетілдіру және сертификаттау курстарын іске асырады.
1.Біліктілікті арттыру – бұрын алған кәсіптік білімдерін, іскерліктері мен дағдыларын қолдауға, кеңейтуге, тереңдетуге және жетілдіруге, сондай-ақ негізгі мамандық ішінде жаңа (қосымша) құзыреттерді игеруге мүмкіндік беретін қосымша білім беру нысаны. Біліктілікті арттыру бағдарламаларының ұзақтығы 2 кредиттен (60 сағат) 9 кредитке (270 сағат)дейін.
2. Сертификаттау курсы – негізгі білім шеңберінде тар мамандану бойынша қосымша кәсіби білімді, іскерлікті және дағдыларды кеңейтуге, тереңдетуге және қалыптастыруға бағытталған қосымша білім беру нысаны. Сертификаттау курстарына арналған бағдарламалардың ұзақтығы 10 кредиттен (300 сағат) басталады. Бір кредит 30 академиялық сағатқа тең. Бір академиялық сағаттың ұзақтығы 50 минутты құрайды.
3.Формальды емес білім беру бағдарламалары шеңберінде ғылыми-ақпараттық алмасу бойынша іс-шаралар, семинарлар, тренингтер (мастер-кластар) және т. б. өткізіледі.

Кенесова Кульжамила Жумановна
Үздіксіз кәсіби даму факультетінің деканы

Деканның орынбасары
Нұрмаханбетова Айша Еркінбекқызы

Жетекші маман – Орынтаева Аида Бағланқызы

 Әдіскер – Әуелхан Аяжан Төреханқызы

Деканаттың орналасқан жері:
Шымкент қаласы Аль-Фараби №3 алаңы, 1 этаж, кабинет №104
Телефон: 8(7252)39-57-57 (ішкі нөмір 1054)
Эл. адрес: fnpr.ukma@bk.ru