ЖАТАҚХАНА

1 ЖАЛПЫ ЕРЕЖЕЛЕР

1.1. «Оңтүстік Қазақстан медицина академиясы» акционерлік қоғамы (әрі қарай - «ОҚМА» АҚ) жатақханасына орналасу және тұру ережелері (әрі қарай – Ережелер) Қазақстан Республикасының 2007 жылғы 27 шілдедегі «Білім туралы» Заңы 5 бабының 46-13) тармақшасына сәйкес ҚР Білім және ғылым министрінің 2016 жылғы 22 қаңтардағы бекіткен №66 бұйрығына сәйкес әзірленген.
1.2. Ережелер «ОҚМА» АҚ жүйелі нормативті актісі болып табылады, оның орындалуы деканаттар мен «ОҚМА» АҚ жатақханасында тұратын барлық тұрғындарға талап етіледі.
1.3. «ОҚМА» АҚ тұрғылықты орындары білім алушыларға уақытша тұрақтануға арналған.
1.4 «ОҚМА» АҚ жатақханасында орын бөлу тәртібі білім алушыларға жатақханада орын бөлу негізі мен кезегі ескеріле отырып, осы Ережемен анықталады.

2 БАЙҚАУ КОМИССИЯСЫН ҚҰРУ ТӘРТІБІ

2.1 Жатақханада орынды арнайы құрылған комиссия бөледі.
2.2 Жатақханада орын бөлу бойынша комиссияның сандық және тұлғалық құрамын (әрі қарай –комиссия), сонымен қатар оның өкілетті мерзімін «ОҚМА» АҚ ректоры белгілейді.
2.3 Комиссияның құрамына төменде көрсетілгендер кіреді:
- «ОҚМА» АҚ басқарушы құрамының өкілі – білім алушылардың жатақханада тұру мәселелерін үйлестіруге жауапты «ОҚМА» АҚ проректоры;
- студенттік өзін-өзі басқару ұйым өкілі;
- жатақханаға орналастыру сұрақтарына жауапты факультет деканы немесе орынбасары;
- Әлеуметтік мәселелер және жастар саясаты басқармасының өкілі.
2.4 Комиссияның төрағасы болып - білім алушылардың жатақханада тұру мәселелерін үйлестіруге жауапты «ОҚМА» АҚ проректоры тағайындалады.
2.5 Комиссияның негізгі міндеттері:
- өтініштерді объективті қарастырып, білім алушылардың құқығы мен қызығушылығына зиян келтірмейтін шешім қабылдау;
- Комиссия мәжіліс қорытындысы бойынша шешім шығару.

3 ЖАТАҚХАНАҒА ОРНАЛАСТЫРУ ЖӘНЕ ОРЫН ҰСЫНУ ТӘРТІБІ

3.1 Комиссия үлгі бойынша жатақханадан орын бөледі.
3.2 Жатақханада орын бірінші кезекте ОҚМА АҚ-ның келесі санаттағы білім алушыларына беріледі:
- мүгедектер қатарынан мүмкіндігі шектеулі тұлғалар;
- бала кезден мүгедектер;
- І және ІІ топтағы мүгедектер; мүгедек балалар; жетім балалар және ата-аналарының қамқорлығынсыз қалған балалар;
- ата-анасының екеуінде де немесе ата-анасының бірінде мүгедектігі барлар; кәмелеттік жасқа жеткен сәтте ата-аналарының қамқорлығынсыз қалған тұлғалар;
- ЖЖОКБҰ-ның өзге де білім алушылары
- ата-аналары жеңілдіктер мен кепілдіктер бойынша Ұлы Отан соғысына қатысушыларға және мүгедектерге теңестірілгендер;
- ауыл жастары қатарынан шыққан, ауылдың әлеуметтік-экономикалық дамуын айқындайтын мамандықтарға оқуға түскен тұлғалар, сондай-ақ Қазақстан Республикасының азаматтары болып табылмайтын «оралмандар»;
- «Алтын белгі» иегерлері болып табылатын бірінші курсқа қабылданған білім алушылар, Президенттік, халықаралық және республикалық олимпиада және/немесе байқау жеңімпазының сертификатын иеленген білім алушылар, сондай-ақ оқу орнын үздік бітірген, білім туралы растайтын құжаты бар (куәліктер, аттестат, диплом) талапкерлер.
- Ұлттық бірыңғай тестілеу немесе Кешенді тестілеу қорытындылары, ұйым өткізген қабылдау емтихандары немесе тестілеу түрінде пәндер қорытындылары бойынша жоғары балл жинаған мемлекеттік білім беру гранты бойынша оқуға қабылданған бірінші курс білім алушылар;
- Ұлттық бірыңғай тестілеу немесе Кешенді тестілеу қорытындылары, ұйым өткізген пән бойынша немесе тестілеу түріндегі қабылдау емтихандары пәндер қорытындылары бойынша тең балл жинаған кезде байқау комиссия Қазақстан Республикасы 2008 жылғы 25 қаңтардағы № 64 қаулысымен бекітілген Мемлекеттік білім беру мекемелерінің мемлекеттік атаулы әлеуметтік көмек алуға құқығы бар отбасылардан, сондай-ақ мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінің шамасынан төмен отбасылардан шыққан білім алушылары мен тәрбиеленушілеріне және жетім балаларға, ата-анасының қамқорлығынсыз қалып, отбасыларда тұратын балаларға, төтенше жағдайлардың салдарынан шұғыл жәрдемді талап ететін отбасылардан шыққан балаларға және өзге де санаттағы білім алушылар мен тәрбиеленушілерге қаржылай және материалдық көмек көрсетуге бөлінетін қаражатты қалыптастыру, жұмсау бағыты мен оларды есепке алу қағидаларына сәйкес өтініш иесінің (отбасының) жергілікті атқарушы органдар ұсынатын мемлекеттік атаулы әлеуметтік көмек алушыларға тиесілілігін растайтын анықтама ұсынған жағдайда, білім алушының материалдық жағдайын ескереді.
- оқу, ғылыми және өңірлері мен облыстың алыс аудандарынан келген білім алушылар;
- «Алтын алқа», «Күмісқоғамдық жұмыстарда жоғары нәтижелерге жеткен жоғарғы курс студенттері қатарындағы білім алушылар.
- Қазақстанның басқа алқа» белгілерімен марапатталған аналардың балалары;
- жағдайы төмен және көп балалы жанұядан шыққан білім алушылар;
- ауылдық квота бойынша оқитын білім алушыларға (ауылда тұратын мекенжайы туралы анықтама болуы шарт);
3.3 Білім алушылар қатарындағы шетелдік азаматтар халықаралық және үкіметаралық шарттарға сәйкес жатақханалардағы орындармен қамтамасыз етіледі.
3.4 Жатақханада орын болған жағдайда өтінім берген барлық студенттерге жатақханадан орын беру қарастырылады.
3.5 Комиссия өтініштерді қарау қорытындылары бойынша жатақханадан орын беру туралы шешім қабылдайды.
3.6 Комиссия білім алушының күтпеген отбасылық, материалдық және басқа жағдаяттар себептерінен тұрғын жайға мұқтаждығы туындағанда жатақханадан орын беру туралы, сондай-ақ жатақханада тұру ережелерін немесе ұйымның жарғысын сақтамағаны үшін негізделген ұсыныс бойынша жатақханадан шығару туралы шешім қабылдайды.
3.7 Комиссия жатақханаларда орын бөлуді кезең-кезеңмен:
- жатақханаларда тұратын білім алушылар контингентінің өзгеруіне сәйкес, сондай-ақ ауысып келген немесе қайта қабылданған білім алушыларды негізді орналастыру үшін оқу жылының ішінде, қажеттілігіне қарай жүргізеді.
3.8 Комиссия төрағасының қолы қойылған жатақханада тұру үшін жасалған тізім негізінде білім алушыға жатақханадан орын берілгені туралы жолдама беріледі.
3.9 Жатақханаға орналастыру жатақхана меңгерушісімен (комендант) тұрғылықты орынды жалдау туралы келісімшарт негізінде, орналасушының жеке куәлігі және денсаулығы жөніндегі анықтама, тұрғылықты мекенжайы туралы анықтама және жоғарыдағы санаттарға жататындығын куәландыратын анықтама (барлық анықтама нотариалды куәландырылған) негізінде жүзеге асады.
3.10 Білім алушылар жатақханаға орналасу барысында осы Ережелермен, «ОҚМА» АҚ ішкі еңбек тәртібінің Ережелерімен танысып, электртұрмыстық қондырғыларды, тұрмыстық радиоаппараттарды пайдалану кезінде техника қауіпсіздігі бойынша нұсқаулықпен танысуы тиіс, жеке электртұрмыстық құрылғыларды пайдаланудың белгіленген тәртібімен және жатақханада орынды босату тәртібімен танысуы тиіс.
3.11 «ОҚМА» АҚ жатақханасында тұру ақысының мөлшерін экономика жоспарлау бөлімімен белгіленеді және ректор бекітеді.
3.12 Жатақханада тұру ақысы ондағы тұрған (оқу жылы), демалыс уақытын қосқанда барлық уақытқа алынады, білім алушылардың демалыс уақытында үйіне қайтқан жағдайда төсек орын заттары және қосымша қызметтер үшін ақы алынбайды.
3.13 Тұрғын тұрғылықты орынды жалдау келісімшартын бұзған жағдайда үш күн аралығында орнын босатуы тиіс, жатақхана меңгерушісіне (комендант) тұрғылықты орынды таза және алынған құрал-жабдықтарды жұмыс күйінде тапсыруы тиіс.
3.14.Жатақханаға қашықтан келген студенттердің ата-анасы және біліктілігін жетілдіруге келген тыңдаушылар, құжат тапсыруға келген талапкерлер мен олардың ата-аналары жатақханаға тәуліктік төлем жасап орналаса алады. Аталған азаматтар жатақхана меңгерушісіне (комендант) басқарма басшысының, қабылдау комиссиясы хатшысының рұқсаты мен төлем жүргізілген түбіртекті ұсыну қажет.
3.15. Алыс және жақын шет елден келген дайындық курстарындағы талапкерлер мен талапкерлер студент қатарына қабылданбай тұрып жатақханамен қамтамасыз етіледі. Ол бойынша жатақханаға қабылдау бұйрығы шығарылады. Талапкер оқуға түсе алмай қалған жағдайда ректор бұйрығымен жатақханадан қайта шығарылады.
5.16. Өтінішті қабылдау және мемлекеттік қызметті көрсету нәтижесін беру:
1) «ОҚМА» АҚ (жазбаша өтініш тастау арқылы немесе платонус бағдарламасы арқылы онлайн өтініш беру арқылы);
2) www.egov.kz "электронды үкімет" веб-порталы;
3) "электрондық үкімет" веб-порталында тіркелген ұялы байланыстың абоненттік құрылғысы арқылы жүзеге асырылады.
5.17. Жатақханаға тұру үшін өтініш білдіруші төмендегі құжаттарды ұсынады: Жеке басын куәландыратын құжаттар туралы мәліметтерді, ата-анасының (ата-аналарының) қайтыс болуы туралы куәлікті (жетім балалар үшін), жасына байланысты зейнетақы/жәрдемақы алушының куәлігі (көп балалы отбасылардан шыққан балалар үшін), "Медициналық-әлеуметтік сараптама жүргізу қағидаларын бекіту туралы" Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 29 маусымдағы № 260 бұйрығымен бекітілген нысан бойынша мүгедектік туралы анықтама (Нормативтік құқықтық актілерді мемлекеттік тіркеу тізілімінде № 32922 болып тіркелген), Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 21 маусымдағы № 227 бұйрығымен бекітілген (Нормативтік құқықтық актілерді мемлекеттік тіркеу тізілімінде № 32885 болып тіркелген) Мемлекеттік атаулы әлеуметтік көмекті тағайындау және төлеу қағидаларына сәйкес өтініш берушінің (отбасының) мемлекеттік атаулы әлеуметтік көмек алушыларға тиесілігін растайтын ақпарат көрсетілетін қызметті беруші тиісті мемлекеттік ақпараттық жүйелерден "электрондық үкімет" шлюзі арқылы алады.
Көрсетілетін қызметті алушы құжаттар топтамасын толық ұсынбаған және (немесе) қолданылу мерзімі өткен құжаттарды ұсынған кезде «ОҚМА» АҚ өтінішті қабылдаудан бас тартады және осы Қағидаларға нысан бойынша құжаттарды қабылдаудан бас тарту туралы қолхат береді.
5.18. «ОҚМА» АҚ жатақханасына жұмыс уақытынан тыс уақытта келетін студенттер үшін әр оқу жылының тамыз айынан бастап тәулік бойына “Ахуалдық орталық” жұмыс жасайды. Республиканың басқа облыстарынан және қалаларынан кешкі 18:00 мен таңғы 9:00 аралығында келген студенттерді арнайы қарастырылған бөлмелерге орналастырады.

4 ЖАТАҚХАНАҒА КІРІП – ШЫҒУ ТӘРТІБІ

4.1 Жатақханаға кіріп-шығу тәртібі төмендегідей жүзеге асырылады:
- Жатақханада тұру тәртібі мен қауіпсіздігі бойынша кезекші вахтерлермен тәулік бойы байланыста болады;
- жатақхана әкімшілігінің жатақханада белгіленген тәртіпті сақтау талабы барлық тұрғындарға бірдей қойылады;
- жатақханаға кіру үшін тұрғындарға белгіленген үлгі бойынша өту қағазы беріледі. Өту қағазы жатақханаға кіру үшін негізгі құжат болып табылады. Жатақханаға келген қонақ жеке куәлігін көрсету арқылы кіреді;
- кезекші сағат 22.00-ден кейін келген студенттердің қатаң жатақханаға кіргізбеуі тиіс;
- жатақханада тұрмайтын тұлғалар жатақханаға 14.00-18.00 аралығында тұрғындардың шақыруы бойынша ғана кіре алады. Тұрғындар қонақты кезекшінің жанында қарсы алуға міндетті. Кезекші келген қонақтың жеке куәлігі және осы тұрғынның өту қағазы қалады;
- қонақ қайтқан жағдайда тұрғын қонақты кезекшіге дейін шығарып салуы тиіс;
- бөлмеде тұрмайтын тұлға осы бөлменің басқа тұрғындарының келісім арқылы бола алады;
- қонақтар, оның ішінде «ОҚМА» АҚ білім алушылары жанұясының мүшесі, жатақхананың қонақ бөлмелерінде (болған жағдайда), бос орын болса уақытша тұруға құқылы;
- қонақтардың осы Ережелердің және ішкі еңбек тәртібінің сақтауы бойынша жауапкершілік шақырушы тұрғынға жүктеледі;
- жатақханада тұратын немесе олардың қонақтары жатақханаға уақытша қонақ болған кезде жатақхана ережелерін бұзған жағдайда, жатақхананың меңгерушiсi (комендант) бұзушылық жасағандардан түсiнiктеме алып, тәртiптiк шара қолдану үшін басқарма басшысына тиiстi қызметтiк хатпен бiрге жіберіледі;
- кезекші бөтен тұлғалардың жатақханада тәртіп бұзушылық болуы мүмкін деп қауіптенетін жағдайда оларды жатақханаға кіргізбеуге құқылы. Мұндай шешімге шағымдануды жатақхана меңгерушісі (комендант) арқылы шешуге болады:
- жатақхана қызметкерлеріне кез-келген дөрекі қарым-қатынас, өту қағазы мен жеке куәлікті көрсетуден бас тарту осы Ережелерді және ішкі еңбек тәртіп ережесін дөрекі түрде бұзу болып табылады.

5 ЖАТАҚХАНА ТҰРҒЫНДАРЫНЫҢ ҚҰҚЫҚТАРЫ

Жатақхана тұрғындары құқылы:
- өздеріне бекітілген тұрғылықты бөлмеде осы Ережелерді, ішкі еңбек тәртібінің ережесі және тұрғылықты орынды жалға алу келісімін сақтаған жағдайда, оқудың барлық мерзімінде тұруға құқылы;
- өздік жұмыс жасауға арналған бөлмелерді, мәдени-тұрмыстық шараларға арналған орындарды, жатақхананың қондырғылары мен жабдықтарын қолдануға құқылы;
- жатақхана меңгерушісіне (комендантқа) уақтылы жөндеу жұмыстарын жасау туралы, тұрғынның кінәсінен емес істен шыққан қондырғылар мен жабдықтарды ауыстыру туралы өтініш жасауға құқылы;
- жатақхананың студенттік кеңесін қалыптастырып, оған мүше болып сайлануға құқылы;
- жатақхана студенттік кеңесі арқылы тұрғын үй-тұрмыстық жағдайды шыңдау, тәрбие жұмысы мен бос уақытты дұрыс ұйымдастыру бойынша мәселелерді шешуге құқылы.

6 ЖАТАҚХАНА ТҰРҒЫНДАРЫНЫҢ МІНДЕТТЕРІ

6.1 Жатақхана тұрғындарының міндеттері:
- тұрғылықты орынды жалға алу туралы ОҚМА АҚ-мен құрған келісім талаптарын орындауға;
- орналасқан жері бойынша тіркеу үшін және әскери есепке алу үшін құжаттарды белгіленген тәртіп және уақытта тапсыруға;
- жатақханаға орналасқан уақыттан бастап жатақханаға уақытша тіркелуге (тұрғылықты тіркеуі үйі болып қала береді) және жатақхананы босатқан уақытта тіркеуден шығуға;
- осы Ереженің 6 тармағында көрсетілген уақытта қонақтарды қабылдауға;
- жатақханада тұрғаны үшін, төсек орын заттарын пайдаланғаны үшін және барлық ұсынылатын ақылы қызмет үшін белгіленген көлемде ақыны уақтылы төлеуге;
- өздік жұмысқа арналған орынды және мәдени-тұрмыстық шараларға арналған орындарды пайдалану кезінде тыныштық сақтауға және аталған орындарды басқа тұрғындардың пайдалануына кедергі келтірмеуге;
- осы Ережені, қауіпсіздік техника ережелерін, өрт қауіпсіздігі ережелерін қатаң сақтауға;
- тұрмыстық электржабдықтарын пайдалану бойынша нұсқауларды қатаң сақтауға;
- жатақханадағы арнайы орындар мен жабдықтарды, қондырғыларды ұқыпты пайдалануға;
- электр жарығы мен суды үнемді етіп пайдалануға;
- тұрғылықты орын мен ортақ орындарды пайдалануда тазалық пен тәртіпті сақтауға, өз бөлмелерінде тазалық жұмыстарын күн сайын, ал асханада кезекшілік кестесіне сәйкес жүргізуге;
- материалдық шығын келтірген жағдайда ҚР заңнамасына және тұрғылықты орынды жалдау келісімшартына сәйкес өтімін толтыруға;
- жатақхана жұмысшыларының талаптары бойынша жеке куәлікті және жатақханаға өту қағазын көрсетуге;
- осы Ережелерінің орындалуын қадағалау, мүліктердің бүтіндігін тексеру, профилактикалық және жұмыстың басқа да түрлерін жүргізу мақсатында «ОҚМА» АҚ және (немесе) жатақхананың әкімшілігіне тұрғын бөлмелерді қарап шығуға мүмкіндікті қамтамасыз етуге;
6.2 Жатақхана тұрғындарына тыйым салынады:
- бір бөлмеден екінші бөлмеге өз бетінше көшуге;
- бір бөлмеден екінші бөлмеге жабдықтарды өз бетінше тасымалдауға,
- электрсымдарын өз бетінше қайта жасауға және электр жүйесін өз бетінше жөндеуге;
- басқа бөлмелерде тұратын тұрғындардың тыныштығын бұзбау үшін 22:00-ден 07.00-ге дейінгі уақыт аралығында қатаң теледидар көрмеуге, радиоқабылдағыштарды, магнитофондарды және басқа да қатты дыбысты заттарды пайдаланбауға және де басқа іс-әрекеттер жасамауға;
- арнайы бөлінген орындардан басқа тұрғын бөлмелерінің қабырғаларына, ортақ орындардың қабырғаларына хабарландыру, сабақ кестелерін және т.б. жапсыруға;
- жатақхана орындарында темекі тартуға;
- белгіленген тәртіпті бұза отырып, бөтен тұлғаларды жатақханаға кіргізуге және (немесе) оларды жатақхана түнетуге; басқа тұлғаларға, оның ішінде – басқа бөлме тұрғындарына тұрғылықты орын ұсынуға;
- жатақханаға ішімдік немесе есірткі қолданған күйде келуге, алкоголдік ішімдіктерді қолдануға және сақтауға;
Жатақханада тыйым салынады:
- ішімдік және есірткі заттарын сатуға;
- жатақхана меңгерушінің (коменданттың) рұқсатынсыз қосымша құлып орнатуға немесе құлыптарды қайта жасау немесе оларды ауыстыруға;
- тұрғылықты орында ашық от көздерін пайдалануға;
- жатақханада үй жануарларын ұстауға;
- бөлмеде тұратын тұрғындарға кедергі келтіретін үлкен көлемді заттарды сақтауға болмайды.

7 ЖАТАҚХАНА ӘКІМШІЛІГІНІҢ ҚҰҚЫҚТАРЫ

Жатақхана әкімшілігі құқылы:
- жатақханада өмір сүру жағдайын жақсарту бойынша ұсыныстарын білдіруге;
- жатақхананың студенттік кеңесімен бірлесе отырып, ішкі тәртіпті бұзатын тұрғындарға тәртіптік жаза қолдану туралы ұсыныстарды басқарма басшысының қарауына ұсынуға.

8 «ОҚМА» АҚ ӘКІМШІЛІГІНІҢ МІНДЕТТЕРІ

«ОҚМА» АҚ әкімшілігі міндетті:
- білім алушыларға Қазақстан Республикасының заңнамасына және жатақхана тұру нормаларына, «ОҚМА» АҚ жатақханасы туралы Ережеге сәйкес жатақханадан орын беруге;
- жатақханаға орналасу барысында және білім алушылардың әрі қарай онда тұруы кезінде жатақханада өмір сүру мәселелерін реттеуші жүйелі нормативтік актілері туралы хабардар етуге;
- жатақхана орындарын белгіленген санитарлық ережелер мен нормаларға сәйкес қажетті жағдайда ұстауға;
- тұрғындармен тұрғылықты орынды жалға алу келісімін құру және орындауға;
- жатақхананы жиһазбен, қондырғылармен, төсек орын заттарымен және басқа да жабдықтармен кешендендіруге;
- жатақхананың штатын белгіленген тәртіпке қызмет көрсету құрамымен толықтыру;
- жатақхана тұрғындарын қажетті коммуналды және басқа да қызметпен қамтамасыз ету, өздік жұмыс жасауға арналған орындармен қамтамасыз етуге және мәдени-бұқаралық, сауықтыру және спорт шараларын өткізуге арналған орындармен қамтамасыз етуге;
- қауіпті аурумен ауырған жағдайда жатақхана тұрғынын дәрігерлер кеңесі негізінде арнайы бөлмелерге уақытша ауыстыруға;
- жатақхананың білім студенттік кеңесіне өзін-өзіне қызмет көрсету, еңбек жағдайын жақсартуға, тұрмыс және тұрғындардың демалысын жақсарту мәселелері бойынша білім студенттік өзін-өзі басқаруды дамыту жұмыстарына қолдау көрсетуге;
- жатақханада тұрмыстық, мәдени-тұрмыстық жағдайды жақсарту бойынша шараларды жүзеге асыру, тұрғындардың ұсыныстарын іске асыру бойынша уақтылы шаралар қолдану, оларды қолданылған шаралар жөнінде хабардар етуге;
- санитарлық талаптар мен еңбек қорғау ережелеріне сәйкес жатақхананың барлық орындарын жылу жүйесі мен жарықпен қамтамасыз етуге;
- жатақхананы және бекітілген аумақты тазалау, қызмет ету, жайландыру бойынша жұмыстар жүргізу барысында қажетті қондырғылармен, жабдықтармен, құралдармен және материалдармен қамтамасыз етуге;
- жатақхана аумағында күзет пен белгіленген өткізу тәртібін сақтауды қамтамасыз етуге.

9 ЖАТАҚХАНА ӘКІМШІЛІГІНІҢ МІНДЕТТЕРІ

Жатақхананың әкімшілігі міндетті:
- тұрғындарды келген орындары бойынша тіркеу үшін құжаттардың болуын қамтамасыз етуге;
- тұрғындардың жатақханаға уақытша тіркелуін қадағалауға және қамтамасыз етуге (паспортист);
- жатақхана орындарын белгіленген санитарлық нормалар мен ережелерге сәйкес сақтауға;
- жатақхананы жиһазбен, қондырғылармен, төсек орындарымен және басқа да жабдықтармен қамтамасыз етуге;
- жатақханаға, жабдықтарға, қондырғыларға ағымдық жөндеу жүргізуді қамтамасыз етуге, жатақханаға бекітілген аумақты, жасыл желекті лайықты деңгейде ұстауға;
- жатақхананың құбыр жүйесінде, электржүйесінде, су желісінде болған ақауларды шұғыл түрде жөндеуге;
- жатақхана тұрғындарын қажетті өздік жұмысына арналған орындар, демалыс орындары және тұрмыстық бөлмелермен қамтамасыз етуге;
- жатақхана бөлмелерін пайдалану бойынша және санитарлық жағдайы бойынша кемшіліктерін анықтау мақсатында жатақхананың барлық орындарын күнделікті тексеріп отыруға;
- 10 күнде бір реттен кем емес төсек жаймаларын ауыстырып отыруы тиіс;
- жатақхана тұрғындарына тұрмыстық техниканы, аппараттарды қолдану барысында техника қауіпсіздігі мен тұрмыстық электро құралдарымен қолдану нұсқауын сақтаған жағдайда тұрмыстық техника мен аппаратураны пайдалануға;
- жатақхананың білім студенттік кеңесінің өмір сүру жағдайын жақсарту, тіршілік және тұрғының демалысы мәселелері бойынша жатақхананың жұмысын күшейтуге;
- тұрғындардың ұсыныстарын жүзеге асыру бойынша шара қолдану, оларды қолданылған шаралар жөнінде хабардар етуге;
- жатақхананы және бекітілген аумақты өз еркімен тазалау, қызмет ету, жайландыру бойынша жұмыстар жүргізу барысында қажетті қондырғылармен, жабдықтармен, құралдармен және материалдармен қамтамасыз етуге;
- жатақханада тұратын тұрғындар мен персоналды өрт қауіпсіздігі мен қоғамдық қауіпсіздігімен қамтамасыз етуге.

10 ЖАТАҚХАНАДА ӨЗІН-ӨЗІ БАСҚАРУ ҰЙЫМЫ

10.1 Жатақханада тұратын студенттік өзін-өзі басқару ұйымының мүшесі – жатақхананың студенттік кеңесі (әрі қарай студентік кеңес), болып саналады және ол тұрғындардың атынан шығатын өкіл бола алады. Жатақхананың студенттік кеңесі бөлмелердің, жетекшілердің іс-әрекетін реттеп отырады, жатақхананың өзін-өзіне қызмет ету бойынша жұмысын ұйымдастырады, жатақхана мен оған қарасты аумақта қоғамдық пайдалы жұмыстарды өз еркімен атқаруға баулиды, жатақхана әкімшілігінің тұрғындарға сеніп тапсырылған материалдық заттарды ұқыпты пайдалануға көмектеседі, мәдени-бұқаралық іс-шараларды өткізуді ұйымдастырады.
Жатақхана студенттік кеңесі өзінің жұмысын осы Ережеге сүйене отырып жүзеге асырады.
10.2 Жатақхананың әр бір бөлмесінде жетекші сайланады. Бөлменің жетекшісі бөлмеде бар мүлікке ұқыпты қарауды, бөлмені таза және тәртіпті ұстауды қадағалайды.
Бөлменің жетекшісі өзінің жұмысында жатақхана білім студенттік кеңесінің және жатақхана әкімшілігінің шешімдерін негізге алады.

11 ЖАТАҚХАНА ТҰРҒЫНДАРЫНЫҢ ЖАУАПКЕРШІЛІГІ

11.1 Осы Ережелерді бұзғаны үшін тұрғындарға жатақхана әкімшілігінің ұсынысы бойынша Қазақстан Республикасының заңнамасы, «ОҚМА» АҚ жарғысы және ішкі еңбек тәртібінің ережесіне сәйкес қоғамдық және тәртіптік қатысы бар шаралар қолданылады.
Жатақханадан шығару түріндегі тәртіптік жаза комиссияның ұсынысымен ректордың бұйрығы арқылы жүзеге асады.
11.2 «ОҚМА» АҚ жарғысы және ішкі еңбек тәртібінің ережесінде қарастырылған міндеттерді бұзған тұрғындарға келесі тәртіптік жаза қолданылады:
- ескерту;
- сөгіс;
- жатақханадан шығару;
- жатақханада тұрғылықты орынды жалға алу келісімін бұза отырып, «ОҚМА» АҚ шығару.
11.3 Тәртіптік жаза қолдану басқарма басшысының ұсынымы бойынша ректор бұйрығымен рәсімделеді.

12 ЖАТАҚХАНА ТҰРҒЫНДАРЫН ШЫҒАРУ ТӘРТІБІ

12.1 Тұрғындар келесі жағдайларда шығарылуы мүмкін:
- тұрғылықты орнын гигиеналық, санитарлық талаптарға сай пайдаланбаса;
- тұрғылықты орынды өздері немесе олардың жауапкершілігіндегі тұлғалар бұзса немесе зақым келтірсе;
- келген жері бойынша тіркелуден бас тартса;
- тұрғындардың құқығын жүйелі түрде 2 рет бұзса, көршілердің тыныштығын алса;
- екі ай ішінде тұрғылықты орны үшін ақы төлемесе;
- жатақхана әкімшілігін жазбаша ескертусіз екі айдан көп болмаған жағдайда;
- жатақханаға ішкілік ішіп немесе есірткі пайдаланған күйде келсе;
- есірткі заттарын сақтап, таратса, қолданса;
- тұрғындар жатақханада жарылғыш, химиялық қатерлі заттарды, оқты қаруларды сақтаса;
- «ОҚМА» АҚ шығарылса;
- Қазақстан Республикасының заңнамасында қарастырылған басқа да жағдайларда.
12.2 «ОҚМА» АҚ комиссиясының шешімі негізінде жатақхана тұрғындары келесі жағдайда шығарылады:
- тұрғылықты орынды жалдау келісімшартында қарастырылған негіздер бұзылған жағдайда:
- осы Ережелерді және ішкі еңбек тәртіп ережесін бұзғаны үшін оқудың аяқталу мерзіміне дейін ОҚМА АҚ-дан шығаруға;
- тұрғындардың жеке өтініші бойынша;
- «ОҚМА» АҚ білім алушыларының оқу уақыты бітуіне байланысты шығарылса.

Үлгі

________________________________
________________________________
________________________________
/ЖОО басшысының толық аты-жөні/
(болған жағдайда)
________________________________
/факультетінің/
________________________________
/мамандығының/
________________________________
/тобының, курс/студенті
________________________________
/аты-жөні толық жазылсын/
(болған жағдайда)
________________________________

ӨТІНІШ

Маған академия жатақханасынан бір орын бөліп беруіңізді сұранамын.
Келген жерім_____________________________________________________________
_________________________________________________________________________
_________________________________________________________________________
_________________________________________________________________________
_________________________________________________________________________

«____» ___________________ 20___ ж. _______________________
/қолы/

ОҚМА жатақханасына орналасу үшін тапсырылатын құжаттар тізімі

- Үлгіге сәйкес жатақханадан орын беру туралы өтініш;
- отбасы болған жағдайда отбасының құрамы туралы анықтама;
- ата-анасының біреуі немесе ата-аналары қайтыс болған жағдайда, әлде жетім балалар үйінен анықтама;
- отбасында 4 және одан да көп бала болған жағдайда, көп балалы отбасы туралы анықтама (көп балалы отбасының балалары үшін);
- мүгедек екендігін растау туралы анықтама;
- жеке тұлғаны куәландыратын құжаттың көшірмесі;
- жатақханада тұру ақысын төлегені туралы түбіртек.

06.10.2020, 04:54

3038 қаралым