Микробиология, вирусология және иммунология кафедрасы

Кафедра тарихы

Микробиология кафедрасы Алматы мемлекеттік медицина институтының фармацевтика факультетінің Шымкент филиалы базасында 1980 жылдың қыркүйек айында құрылған және морфологиялық пәндер кафедрасының құрамында болған. Кафедраны ф.ғ.к доцент Г.С. Моренко басқарып, кафедра құрамында Е.И. Ярославская, К.Ш. Мамин, Н.М.Мурина қызмет атқарған. 1994 жылы қыркүйек айында жалпы медицина факультетінің ашылуы себепті, микробиология кафедрасы жеке бөлініп сол күннен бастап 1997 жылға дейін кафедраны доцент У.Т.Арыкпаева басқарған.
Әртүрлі жылдары микробиология кафедрасын басқарған: доцент Р.А.Бикчентаева (1997жж.), м.ғ.д., профессор Ш.Б.Садыков (1997-1999жж), м.ғ.к., доцент Д.А.Майсаров (1999-2001жж) м.ғ.д., доцент С.Н.Жумашов (2001-2009жж), х.ғ.д., профессор К.О.Шарипов (2009-2011жж), м.ғ.к. М.М.Есиркепов (2011-2012жж), б.ғ.к. А.А.Бурабаев (2012-2018жж) басқарған. Кафедраның қалыптасуы мен дамуы үшін: О.Н.Сахно, Жакипбекова Б.Т., Г.Т.Алимжанова, Г.С. Омарова, Т.Ж.Моминова, А.А.Алибеков, Г.С.Нуриева, Р.Т.Джанабаев, Ж.Х.Есенова, Сейтханова Б.Т., Э.Н.Оспанова, Ұ.А.Туребаева, Ф.Мұхтарқызы, Ш.Ж.Құрманбекова, М.К.Жанысбекова, А.А.Абдраманова және т.б. үлкен үлес қосты.
2018жылы 1-ші шілдеде микробиология кафедрасының меңгерушісі болып м.ғ.д. профессор Сейтханова Б.Т. тағайындалды. Қазіргі таңда кафедра Оңтүстік Қазақстан медицина академиясының №2 оқу корпусының 1-ші қабатында орналасқан. Кафедра заманауи оқу-тәжірибелік зертханамен жабдықталған, ол студенттер мен оқытушылардың оқу және ғылыми жұмыстармен айналысуына жағдай жасайды. Кафедраның ПОҚ (әрі қарай профессор-оқытушы құрамы) барлық мамандықтар бойынша 3 тілде оқу-әдістемелік кешенін дайындаған, сонымен қатар қазақ және ағылшын тілдерінде ғылыми мақалалар жазып жарыққа шыққан. Кафедра ПОҚ үнемі біліктілігін жоғарылатып отырады және ғылыми-тәжірибелік конференцияларға баяндамалармен белсене қатысады. Ғылыми Кеңестің 29.06.2020ж 14 хаттама шешімімен Микробиология кафедрасының атауы "Микробиология, вирусология және иммунология» кафедрасы болып өзгертілді.

Сейтханова Бибігүл Төлегенқызы - 
Микробиология вирусология және иммунология
кафедрасының меңгерушісі, медицина ғылымдарының докторы, профессор

Кафедра жұмысының негізгі мақсаты мен міндеттері
Кафедра академияның негізгі оқу-әдістемелік, тәрбиелік және ғылыми құрылымдық бөлімі болып табылады. Кафедрада біліктілігі жоғары ғылым докторы, доцент пен оқытушылар қызмет атқарады. Кафедраның профессор оқытушы құрамы оқу, тәрбие, әдістемелік және ғылыми-зерттеу жұмыстарымен, студенттер арасында тәрбие жұмысын, сонымен қатар ғылыми-педагогикалық кадрларды дайындау және олардың біліктілігін жоғарылатумен айналысады. Кафедра жұмысы 2007 жылғы мамандықтың мемлекеттік білім беру стандартына сай келетін, терең теориялық және тәжірибелік дайындығы, кәсіби білімі, тәжірибесі бар мамандарды дайындауға бағытталған.
Кафедра оқу, әдістемелік, ғылыми-зерттеу, тәрбие және қоғамдық басқа да жұмыстарды қамтитын жылдық жоспарға сәйкес жұмыс істейді. Кафедра жұмысының барлық сұрақтарын талқылау, сәйкес шешімдерді қабылдау үшін айына 1 реттен кем емес профессорлық-оқытушылар құрамының қатысуымен кафедра мәжілісі мен оқу-әдістемелік жұмыстарға қатысты әдістеме семинар өткізіледі. Кафедрада оқу-тәрбиелік үрдістер және т.б. мазмұнын, ұйымдастырылуын және өткізу әдісін көрсететін құжаттар жүргізіледі. Құжаттар тізімі бекітілген «Істер номенклатурасымен» анықталады.

Кафедраның оқу – әдістемелік жұмысы
Микробиология вирусология және иммунология кафедрасында барлық оқу – әдістемелік жұмыстар ОҚМА бакалавриат әдістемелік жұмыстарына сәйкес жүргізіледі. Кафедрада оқу-әдістемелік құжаттар толығымен жаңартылған және жаңа талаптарға сәйкес дайындалып, жауаптылар тағайындалды. Пән бойынша студенттер мен оқытушыларға арналған лабораториялық сабақтар үшін әдістемелік нұсқаулар қазақ, орыс және ағылшын тілдерінде дайындалған. Типтік оқу бағдарламасы бойынша пәндерінен 2 курс студенттеріне үш тілде әдістемелік нұсқаулар дайындалды. Микробиология пәнінің бөлімдері бойынша бақылау сұрақтары компьютерге енгізілген, курстан курсқа өту емтихандар тесттері мамандықтар бойынша қазақ және орыс ағылшын тілдерінде құрастырылған. Оқытушылар ИНТЕРНЕТ жүйесіне енгізілген пəндердің оқу-əдістемелік кешенінде көрсетілген дəрістерді оқу барысында білім беру технологиясының озық үлгілерін пайдаланады.

Негізгі курстар тізімі:
Жалпы қазіргі таңда кафедрада бір жылда "Жалпы медицина", "Фармация", "Қоғамдық денсаулық сақтау", "Педиатрия" мамандықтары студенттері микробиология пəнін меңгереді.
Кафедра жалпы және жеке микробиология, клиникалық микробиология, иммунология бойынша лабораториялық жұмыстарды жүргізеді. Студенттер кафедрада заманауи микробиологиялық зерттеу әдістерін теориялық меңгереді. Еліміз үшін дəрежелі мамандарды дайындау жолында кафедра жан-жақты ғылыми-зерттеу жұмыстарын жүргізеді.

Халықаралық байланысы
Микробиология вирусология және иммунология кафедрасы микробиология ғылымының əртүрлі салалары бойынша ғылыми-зерттеу мекемелерінде, өндірістерде, тек қана Қазақстанның білім беру саласында ғана емес, ТМД елдерінде, сонымен қатар алыс шет елдердің (Дания, Польша, Үндістан, жəне Бұхара, Румыния т.б.) білім саласында қызмет атқаратын маман Кафедрада студенттер үшін ғылыми зерттеу жұмыстарын жасауға жағдай жасалған.

Ғылыми-зерттеу жұмысы
Кафедра қызметкерлерінің ғылыми-зерттеу жұмысы кафедра жұмысының ажырамас бөлігі болып табылады. Кафедраның ПОҚ-ы білім алушылардың практикалалық жұмыстарын ұйымдастыруға аса көп көңіл бөліп отыр.
Жыл сайын ғылыми-зерттеу жұмысы жөніндегі жоспар бекітіліп, жылдың соңында қорытынды жасалады. Жоспарға сәйкес кафедраның ПОҚ-ы халықаралық және Республикалық конференция, олимпиадаларды ұйымдастыру,қатысу, білім алушылардың ғылыми-зерттеу жұмыстарына жетекшілік ету қызметін атқарады. Сонымен қатар кафедраның бағыттарына мақалалар жариялау, оқыту біліктілігін арттыру сабақтары, оқу-әдістемелік құралдарын жариялау, ПОҚ-ның біліктілігін республикалық және халықаралық деңгейде арттыру кіреді.
Кафедраның үйірме мүшелері жыл сайын республикалық және шетелдік конференцияларда бақ сынайды. Сондай-ақ кафедра қызметкерлері жетекшілік ететін топтармен ғылыми мақалалар жариялайды.
Кафедра қызметкерлері республикалық және халықаралық деңгейдегі ғылыми-практикалық конференцияларға тұрақты түрде қатысып отырады және де олардың тізімі төменде көрсетіліп тұр:
1. «Covid-19: кеше, бүгін, ертең» халықаралық ғылыми-практикалық конференция
2. Жас ғалымдар мен студенттердің I Халықаралық ғылыми конференциясы «Ересектер мен балалардағы коронавирустың ерекшеліктері. Вакцинация»
3. Жас ғалымдар мен студенттердің IV Халықаралық ғылыми-тәжірибелік конференциясы «Уақыт алға. Ең жақсы уақыт»
4. «Медицина және инновация» II Халықаралық ғылыми конференциясы 12 сәуір 2023 ж. АҚ «ОҚМА»
5. «Тәжірибеден жобаға» III Халықаралық студенттер мен жас ғалымдар конференциясы 14-15 сәуір 2023 ж. С.Д.Асфендияров, атындағы ҚазҰМУ. Алматы
6. Жас ғалымдар мен студенттердің III халықаралық конференциясы
«Дүниежүзілік ЖИТС-ке қарсы күрес күні» 1 желтоқсан 2023 ж.
АҚ «ОҚМА» Шымкент.
7. «Халықаралық иммунология олимпиадасы» 8 желтоқсан 2023 ж.
АҚ «ОҚМА» Шымкент.

Оқу жылы ішінде кафедраның ПОҚ-ы өз біліктіліктерін арттыруға бағытталған жұмыстар атқарады.

Кафедраның ғылыми жетістіктері.
Кафедра тәжірибелік базамен қамтылған жəне білім алуға толық қолайлы жағдай жасалған. Кафедрада оқу тәжрибелік зертхана жұмыс жасайды. Студенттердің «Internet» ақпарат жүйесін ақысыз қолдануға мүмкіндіктері бар. Кафедра профессор оқытушы құрамы «Ішек инфекциялары», «Клиникалық микробиология» бағытында оқу-əдістемелік құралдарын және 1 монография,7-электрондық оқулық, 6-оқулық жарыққа шығарды. Кафедрада 2- докторлық 1-кандидаттық диссертация қорғалды. Бүгінгі таңда кафедраның профессор оқытушы құрамы қазіргі заманғы оқу технологиясын пайдаланып, студенттердің білімін арттыру үшін инновациялық əдістерді пайдаланып сабақтар өткізуде.

Микробиология, вирусология және иммунология кафедрасының оқу-әдістемелік құралдарының тізімі

«Микробиолог» студенттердің ғылыми үйірмесі
«Микробиолог» ғылыми үйірмесінің жетекшісі «Микробиология, вирусология және иммунология» кафедрасының оқытушысы Нақып Нұрғали Сакенұлы.
Ғылыми үйірме жұмыстарының негізгі мақсаттары – білім алушыларға оқу жоспарынан тыс микробиология саласында өз білімдерін кеңейтуге және тереңдетуге мүмкіндік беру. Білім алушыларға өздерінің теориялық білімдерін өз бетінше және шекті түсінуге, бақылыуларын жүйелендіруге, өз көзқарасын толықтыру мен жаңартып отыруға көмектесу. Үйірмедегі білім алушылардың өзіндік жұмысы – бұл студенттердің өз білімін, мақсаттарына жету үшін, алдына қойған кәсіби дайындықтан өтіп дамыту мақсатында ой-өрісін жоғарлату болып саналады.
2023 жылы Ташкент қаласында Ташкент мемлекеттік стоматологиялық институтында медициналық жоғары оқу орындары студенттеріне арналған «Медицина және инновация» халықаралық олимпиадасы өтті.Оған біздің «Микробиология, вирусология және иммунология» кафедрасының «Педиатрия» мамандығының 2 курс студенті Рустамжанов Сардорбек Тахиржанұлы қатысып, жүлделі 2 орынға ие болды.

Кафедрада тәрбие жұмыстары келесі бағыттар бойынша жүргізіледі:
ОҚМА-да оқитын бакалавриат және колледж білім алушыларынының арасындағы әлеуметтік жағдайы төмен және жетім, ата-ананың қамқорлығынсыз қалғандарға материалдық көмек көрсету. Сонымен қатар «Таза сессия» жобасы шеңберінде академиядағы жемқорлық фактілерін анықтау, алдын алу мақсатында білім алушылардан анонимді сауалнама, ОҚМА медицина академиясының Академиялық адалдық ережесі мен сыйбайлас жемқорлыққа қарсы стандартты талаптарын әдеп ережелерін ӘБҚ, ПОҚ білім алушыларына онлайн түсіндіру, насихаттау жұмыстары жүргізіледі. Кафедра оқытушылары мен білім алушылар арасында атаулы күндер мен ұлттық мерекелерге іс-шаралар ұйымдастырылады.

Кафедраның профессорлық-оқытушылар құрамы:

1. Сейтханова Бибігүл Төлегенқызы – кафедра меңгерушісі, м.ғ.д., профессор
2. Ратбек Сайлаубекұлы – м.ғ.к., доцент.
3. Серикпаева Тамара Түлкібаевна – аға оқытушы
4.Нуралиева Гульмира Нурпапакызы – аға оқытушы
5.Жанжигитова Жанат Төлебаевна- көмекші
6.Джакупова Жанат Ериковна– аға оқытушы
7.Абдраманова Айгерим Асылхановна – аға оқытушы
8. Полатбекова Шапағат Төлегенқызы – аға оқытушы
9. Садыбек Ұлдана Әбілқызы – аға оқытушы
10. Шишкина Татьяна Сергеевна – оқытушы
11. Шаймерденова Ботакоз Ергалиевна – оқытушы
12. Рахымбаева Әсел Сүндетқызы – оқытушы
13. Нақып Нұрғали Сәкенұлы – оқытушы
14. Қонтай Асел Бағланқызы – оқытушы
15. Ибраим Айдана Ергешқызы– оқытушы

Лаборанттар:

1. Дуйсебекова Гулзат Тулембаевна – аға лаборант
2. Пралиева Кулсун Ешмахамбетовна – аға лаборант

Кафедра мекен-жайы:
ҚР, Шымкент қ, .Әл-Фараби алаңы 3 үй, №2 оқу ғимараты
Телефон: 8 (7252) 39-57-57 (ішкі 1051)
E-mail: mikrobio.ukma@mail.ru