V Бүкілресейлік студенттік фармацевтикалық олимпиада: көшбасшыны айқындау уақытысы

Бүкілресейлік Студенттік Фармацевтикалық Олимпиада – «Фармация» және «Фармацевтикалық өндіріс технологиясы» мамандығы бойынша студенттердің білім деңгейі және дайындығы бағаланатын, медициналық және фармацевтикалық, сондай – ақ технологиялық оқу орындарынан келген студенттердің бетпе – бет сайысқа түсу жүйесі және байқау негізінде жеңімпаз анықталады. 

2017 жылдың 29 қаңтарынан  31 қаңтарға дейінгі аралықта Ресейдің Мәскеу облысында Орехово – Зуев қаласының Гуманитарлық – технологиялық мемлекеттік университет базасында өткен V Бүкілресейлік студенттік фармацевтикалық Олимпиадаға ОҚМФА фармацевтикалық факультетінің 5 курс студенттері  А.С.Сәдібек, А.Д.Пернебек, Э.А.Муталиева, Э.Э. Фазилова қатысты. Фармацевтикалық факультет деканының орынбасары, фарм.ғ.к., проф.м.а. Орынбасарова Кульпан Кенжебаевна команданың жетекшісі болды.

Олимпиадаға Ресейдің, Белоруссияның және Қазақстанның «Фармация» мамандарын дайындайтын ең үздік оқу орындарынан 29 команда қатысты. 

Олимпиаданы Мәскеу облысы үкіметінің қолдауымен Ресейлік фармацевтикалық өндірушілер қоғамының ассоциациясы ұйымдастырған.

Әдетте іс – шараның демеушісі ретінде ірі фармацевтикалық компаниялар  қатысты, олар – Р-Фарм, Нижфарм, Сервье, Такеда, IMS Health және DSM Group маркетингтік ұйымдар.

Білім беру бағдарламасы аясында студенттер фармэкономикалық, клиникалық зерттеудің мәселелік сұрақтарына және фармацевтикалық өнеркәсіп саласындағы т.б. жұмыстардың  қыр – сырын шешуге бағытталған олимпиаданың серіктестері ұйымдастырған мастер – кластарға қатысты.

Студенттер ойды толғандыратын тапсырмаларды орындады, фармөндірісінің ең жетекші мамандардың мастер – класстарында белсенді қатысып отырды.  

Олимпиадаға қатысқан студент өз білімінің деңгейін бағалап қана қоймай, одан әрі қазіргі заманауи өндірістің қыр – сырларымен танысуға, өзінің кәсіптілік деңгейін дамытуға және мансапқа жету траекториясын құруға мүмкіндік береді. Жас мамандарға қызығушылық танытқан  жұмыс берушілер  әлеуетті қызметкерлерімен танысуға мүмкіндік алады. Әрине, ынталанған жас фармацевтер және медиктер – елдің және фармацевтикалық өндіріс саласының болашағы болып келеді. 

Жеңімпаздарды  ұйымдастырушылар, демеушілер және іс – шараның ақпараттық серіктестері дайындаған бағалы сыйлықтармен және медальдармен марапатталды. Жеңіске жеткен студенттерді құттықтаймыз.