Тюмендік студенттер ОҚМФА базасында оқу-өндірістік тәжірибе өтуде

ОҚМФА және Ресей ДСМ МББМ ЖКБ Тюмень Мемлекеттік Медицина Академиясы арасындағы өзара қызметтестік келісім шарт және студенттер халықаралық ұтқырлығы аясында 2014-2015 оқу жылының 18 мамыр мен 1 маусым аралығында ОҚМФА базасында Тюмень Мемлекеттік Медицина Университетінің 5 студенті қатысқан ботаникадан оқу практикасы және  осы университеттің 5 студенті қатысқан фармакогнозиядан оқу практикасы өтті.

Фармакогнозиядан және ботаникадан оқу тәжірибесіне дайындық барысында жұмысшы тобы мүшелерінің қатысуымен фармакогнозиядан және ботаникадан  өзара бірге дайындалған және бекітілген жұмыс бағдарламасы    мен  жеке практика кестелері құрылып, онда ұйымдастыру іс-шаралары мәселелері шешілді. Студенттерге іс-шаралар кестесі құрылу барысында Дендробақ, Қасқасу, Аксу-Жабағылы аймағына экскурсиялық саяхаттар жасау арқылы жергілікті өсімдіктермен табиғи өсу аймағында кеңінен танысуға және мәдени түрлерге  енгізуді   үйренуге  мүмкіндік  жасалынды.

Тәжірибе өту барысында студенттер фитоценоздың құрамындағы  өсімдіктерді идентификациялау бойынша,Оңтүстік Қазақстан аумағында өсетін жабайы және мәдени өсімдіктер түрлерінен  дәрілік өсімдік шикізаттарын дайындауды ұйымдастыру жұмыстарының тәжірибелік дағдыларын үйренді.

Нормативтік- техникалық құжаттар талаптарына сай  студенттер дәрілік өсімдік шикізаттарын сақтау және қайта өңдеу, орамдау,маркілеу,тасымалдау сұрақтары бойынша дағдыларын қалыптастырды.

Коллекциялық учаскеде өсетін өсімдіктермен танысты. Дәрілік   өсімдіктерді табиғи жағдайда оларды тиімді пайдалану әдістерін қолдана отырып дайындау бойынша дағдыларын бекітуді үйренді.Түрлі морфологиялық топтардың дәрілік өсімдік шикізаттарын  жинау әдістерін меңгерді.

ЖШС Зерде-Фито», ЖШС-Ева-Фито» өндірістерінде  студент практиканттар осы өндірістердегі негізгі процесстермен және технологиялық жабдықтармен танысты.

Студенттер Оңтүстік Қазақстан аумағында  өсетін эндемдік өсімдіктер мен  аса қызығушылықпен  танысты. Шымкент қаласында практика өту барысында шет елдік студенттерге кең түрде мәдени іс-шаралары ұсынылып, онда олар Оңтүстік Қазақстан халқының тарихи, ұлттық және рухани байлықтарымен кеңінен танысты.