СТУДЕНТТЕРДІҢ ҚАСҚАСУ БАЗАСЫНДАҒЫ ФАРМАКОГНОЗИЯДАН ӨНДІРІСТІК ТӘЖІРИБЕСІ

17.06.2024-28.06.2024 ж. аралығында В-ФКАБ-02-21, В-ФО-03-21 тобының "Фармация" білім беру бағдарламасының 3 курс студенттері Қаскасу базасында "Фармакогнозия" пәні бойынша өндірістік практикадан өтті.
Практиканың мақсаты жабайы және мәдени дәрілік өсімдіктер туралы білімді бекіту және тереңдету, дәрілік өсімдіктерден алынған шикізатты қолдану мен ресурстарды қорғауды негіздей отырып, дәрілік өсімдік шикізатын дайындау, сақтау және қайта өңдеу мәселелері бойынша білімді қалыптастыру және практикалық дағдыларды жетілдіру болып табылады.

Практика барысында студенттер осы аймақта және таулы аймақтарда, шалғындарда өсетін дәрілік өсімдіктердің негізгі түрлерімен танысты. Студенттер жинау, алғашқы өңдеу, кептіру, дұрыс сақтау, гербаризациялау, тіршілік формаларын анықтау, морфологиялық сипаттау дағдыларын игеріп, дәрілік өсімдіктердің флористикалық тізімін жасады. Өсімдіктердің вегетациялық кезеңімен, тұқымдастарымен және тіршілік формасымен танысты.

Теориялық білімдері мен практикалық дағдыларын қалыптастыра отырып, студенттер күнделікті пратика жоспарына сәйкес жұмыс жасады және күнделіктерін уақытында толтырды.

Практика кезеңінде фармацевт студенттер фармакогнозия кафедрасының оқытушылар құрамы ұйымдастырған "Менің практикалық дағдыларым" байқауында фармакогнозия пәні бойынша өздерінің теориялық білімдерін жоғары деңгейде көрсетті.
Практика барысында білім алушылар "фармакогнозия" пәні бойынша алған теориялық білімдерінің жоғары деңгейде екендігін "Менің практикалық дағдыларым" атты сайыста көрсетті. Сайыс Қаскасу базасында практикадан өтіп жатқан ОҚМА, Самарқанд мемлекеттік медициналық университеті (Өзбекстан ) білім алушылар арасында фармакогнозия кафедрасының профессор-оқытушылар құрамымен ұйымдастырылды.
Сайысқа 3 команда қатысты:" Өзбекстан флорасы "( СамГМУ);" Терпендер "(ОҚМА ФКАБ-02-21);" Фитоэксперттер " (ОҚМА ФО-03-21).
Қазылар алқасы ретінде «Фармакогнозия» кафедрасының меңгерушісі фарм.,ғ.,к., проф.м.а. Орынбасарова К.К., "Фармакогнозия және фармацевтикалық технология" кафедрасының ассистенті Э. С. Боймуродов, фармакогнозия кафедрасының ғылыми қызметкері Таскымбаева Н.М. қатысты.
Алғы сөзді «Фармакогнозия» кафедрасының меңгерушісі, фарм.,ғ.,к., проф.м.а. Орынбасарова К.К. сайыстың барлық қатысушыларын құттықтап, табыс тіледі.
Сайыс 4 кезеңнен тұрды:
1. Командаларды таныстыру;
2. Викторина;
3. Ребус шешу;
4. Бейнероликтер байқауы.
Әр кезеңде командалар өздерін жақсы жағынан, теория мен практикада алған білімдерін көрсетті. Танысу кезінде команданың әр командирі топ мүшелерін қызықты мазмұнмен таныстырды.

Викторина 3 бөлімді қамтыды: гербарий үлгілерінің сипаттамасы, тестілеу және сұрақтар. Бірінші бөлімде студенттер гербарий таңдап, өсімдікке толық сипаттама берді, өсімдіктің тұқымдасын үш тілде, ботаникалық сипаттамасын, химиялық құрамын және медицинада қолданылуын атап өтті.

Екінші бөлімде үш команда тест сұрақтарын шешті. Үшінші бөлімде қатысушылардың назарына өсімдікті сипаттау арқылы тану бойынша жалпы сұрақтар қойылды.
Әрі қарай, командалар өсімдіктердің атауларын анықтай отырып, ребустарды шешті. Соңында әр команданың «Менің практикада өткен күндерім» атты тақырыпта бейнероликтерін көрсетті.

Жарыс қорытындысы бойынша "Өзбекстан флорасы" (СамГМУ) командасы 1 орынды, "Терпендер" командасы (ОҚМА ФКАБ-02-21) 2 орынды және "Фитоэксперттер" командасы (ОҚМА ФО-03-21) 3 орынды иеленді.
"Фитоэксперттер" командасы қосымша "Үздік бейнеролик"номинациясымен марапатталды.

Практика соңында, студенттер өз білімдерін бекітіп, жасаған гербарий үлгілері мен кептірілген дәрілік шикізатты көрсете отырып диф.сынақ тапсырды. Практика барысында студенттер практикалық дағдыларды игеріп қана қоймай, зертханалық сабақта алған теориялық білімдері жоғары деңгейде екенін және практикамен ұштастыра алатынын көрсетті.