«Екі жұлдыз» жобасы

2015 жылдың 30 желтоқсан күні жастар саясаты бөлімінің ұйымдастыруымен ОҚМФА-ның үлкен мәжіліс залында «Екі жұлдыз» жобасы өткізілді. Мерекелік іс-шараны академия ректоры Б.Сексенбаев ашып, профессор-оқытушылар құрамы мен академия қызметкерлерін алда келе жатқан Жаңа жыл мерекесімен құттықтап, жылы лебізін білдірді.

«Екі жұлдыз» жобасына морфологиялық және физиологиялық пәндер кафедрасының профессоры Сисабеков Қасымхан Ермекбайұлы мен мейірбике ісі кафедрасының меңгерушісі Сейдахметова Айзат Әшімханқызы «Қарағым-ай» әнімен, стратегиялық жоспарлау және сапа менеджмент жүйесі  бөлімінің басшысы Торланова Ботакөз Оңғарқызы мен жастар саясаты секторының жетекші маманы Қарсақбаев Мұхит Серікұлы «Качается вагон» әнімен, медицина факультетінің деканы – Долтаева Бибігүл Зайдуллақызы және дене шынықтыру, валеология курсының меңгерушісі – Аширбаев Орынбасар Атырханұлы «Айналайын» әнімен шығып, жанкүйерлерін қуанышқа бөледі.

Қатысушыларды кәсіподақ ұйымының төрағасы Сәлім Ербол Қалтұрсынұлы арнайы дипломмен және сыйлықтармен марапаттады.

Жобаны жаңа жылмен тұспа тұс келуіне орай Аяз ата мен Ақша қар жүргізіп, көрермендерге мерекелік көңіл-күй сыйлады. Іс-шараның соңы жалпы қатысушылардың орындауындағы «Жаңа жыл» әнімен аяқталды.