ЕАЭО ШЕҢБЕРІНДЕГІ ШЫҒЫС АКАДЕМИЯЛЫҚ ҰТҚЫРЛЫҚ

И. К. Ахунбаев атындағы Қырғыз мемлекеттік медицина академиясымен (ҚММА, Бішкек, ҚР) ынтымақтастық ҚММА және ОҚМА арасындағы Меморандум негізінде жүзеге асырылады. Осы Келісім шеңберінде ОҚМА фармацевтикалық және токсикологиялық химия кафедрасы мен ҚММА фармакогнозия және дәрілік заттар химия кафедрасы арасында білім беру және ғылыми-зерттеу бағыттарында бірлескен іс-шаралар өткізіліп жүр.

Ағымдағы оқу жылында ҚММА басшылығының шақыруы бойынша профессор С.К. Ордабаева мен доцент м. а. А.Д. Серікбаеваның академиялық ұтқырлық бағдарламасы орындалды. Бағдарламаға фармация факультетінің оқытушылары, докторанттары, аспиранттары мен студенттеріне арналған мастер-класстар, вебинарлар, дәрістер сабақтары кірді.

Ордабаева С. К. фармацевтикалық химия бойынша бірнеше цикл өткізіп, дәрілік заттарды талдаудың физика-химиялық әдістері, ҚР Мемлекеттік фармакопеясы мен ЕАЭО Фармакопеясының монографиялары, нормативтік құжаттарды жасау, ароматты, гетероциклді, стероидты және т.б. қосылыстар қатарындағы дәрілік заттардың сапасын бақылау және стандарттауды қарастырды. Табиғи және синтетикалық дәрілік заттарды алу, тазалық пен сапа көрсеткіштері, талдаудың сезімтал және қайталанатын әдістерін таңдау және т. б. мәселелер аудиторияның ерекше қызығушылығын тудырды.

Серікбаева А.Д. "дәрілік" улар мен пестицидтердің химия-токсикологиялық талдау мәселелерін қарастырды: токсикологиялық маңызы, биотрансформация жолдары, оқшаулаудың жалпы және жеке әдістері, нысаналы талданатын заттың шығуына әсер ететін факторлар, сәйкестендірудің алдын-ала және растайтын әдістері.

Алынған нәтижелерді түсіндіру балласт заттарының әсер ету дәрежесін, оқшаулау жағдайларының нәтижелерін және алынған аналитикалық әсерге сәйкестендіру әдістерінің мүмкіндіктерін ескере отырып талқыланды.

Академиялық ұтқырлық аясында студенттердің өндірістік практикасы, бірлескен білім беру бағдарламаларын жасау, фармацевтика ғылымы және білім беру бойынша бірлескен ғылыми зерттеулер мен форумдар өткізу шеңберінде бейінді кафедралар арасындағы одан әрі ынтымақтастықтың траекториялары талқыланды.