Қарағанды мемлекеттік медицина университетінің доценті Қ.Е.Амрееваның сапары

2017 жылдың 13 және 22 сәуір аралығында ішкі академиялық ұтқырлықты іске асыру мақсатында «Гигиена-2» кафедрасына ҚММУ «Жалпы гигиена және экология» кафедрасының доценті, м.ғ.к  Қымбат Ералиевна Амреева келді.

Қ.Е.Амреева «Медициналық-профилактикалық іс» мамандығының 4 курс студенттеріне «Тағам гигиенасы» пәнінен өзекті тақырыптарға тәжірибелік сабақтар, ОСӨЖ сабақтарын жүргізді. Сабақ жүргізу барысында жағдайлық есептер, презентациялар қолданылды.

Сонымен қатар, «Гигиена-2» кафедрасы оқытушылары үшін Қ.Е.Амреева 24 академиялық сағат көлемінде «Тағамдық өнімдердің ксенобиотиктермен ластануы» тақырыбында семинар өтті. 

Тәжірибелік сабақтар мен семинар жоғары кәсіби деңгейде өтті, студенттерге ғана емес, оқытушыларға да қызықты болды, сонымен қатар, ақпарат алмасуға және оқытушылардың кәсіби деңгейінің өсуіне мүмкіндік туғызды.