Ақ жол, ақ халатты жас түлек!

2015 жылдың 07, 08 және 10 шілде күндері аралығында Оңтүстік Қазақстан мемлекеттік фармецевтика академиясының Фармацевтикалық және Медициналық факультеттерінің бітіруші түлектеріне диплом беру рәсімі үлкен мәжіліс залында ОҚМФА-ның оқу-әдістемелік және тәрбие жөніндегі проректоры, М.Ұ.Анартаеваның қатысуымен салтанатты түрде өткізілді.

Барлық бітіруші түлектер «ДӘРІГЕРЛІК АНТ» қабылдады. «Фармация» мамандығы  бойынша 141 маманды даярлап шығарылды, оның ішінде 17 студент үздік дипломмен оқуларын аяқтады.

«Қоғамдық денсаулық сақтау» мамандығы бойынша 242 маман даярлап шығарылды. Оның ішінде 7 студент үздік дипломмен, «Мейірбике ісі» мамандығы бойынша 139 маман даярлап шығарды. Оның 7 студенті үздік бітіруші деп танылды.

Биылғы жылы медициналық факультетте алғаш рет «Медициналық-профилактикалық іс» мамандығы бойынша 9 түлек бітіріп, салтанатты түрде диплом табысталды.

Салтанатты іс-шара барысында  ОҚМФА оқу-әдістемелік және тәрбие жөніндегі проректоры М.Ұ.Анартаева өзінің құттықтауларын айтып, үздік диплом иегерлерінің дипломдарын табыстады. 

Бітіруші белсенді түлектерді студенттік кәсіподақ ұйымы тарапынан «Алғыс хатпен» және сыйлықтармен марапатталынды.

Салтанатты жиынның соңы тәрбие ісі бөлімінің ұйымдастыруымен концерттік бағдарламаға жалғасты.

Дайындаған: Тәрбие ісі бөлімі