31 МАМЫР - САЯСИ ҚУҒЫН-СҮРГІН ЖӘНЕ АШАРШЫЛЫҚ ҚҰРБАНДАРЫН ЕСКЕ АЛУ КҮНІ

2019 жылдың 31 мамыр күні Фармакогнозия кафедрасының ұйымдастыруымен «31 мамыр – саяси қуғын-сүргін және ашаршылық құрбандарын еске алу күніне» орай іс-шара өткізілді. Атаулы күн Қазақстан Республикасының Тұңғыш Президенті Н.Назарбаевтың Жарлығымен 1997 жылдан бері атап өтілуде. «Халық жауларын» анықтау бойынша қатаң саясаттың салдарынан қуғын-сүргінге ұшырағандардың өздері ғана емес, олардың жақындары да зардап шекті. Олардың арасында қазақ зиялылары: ғалымдар, мәдениет және саясат саласының қайраткерлері болды.

Аталған шараның мақсатымен, өзектілігімен фармакогнозия кафедрасының аға тәлімгері З.Е.Ибрагимова таныстырып өткен соң, В-ФӨТҚБ-01-16 тобының студенті Қ.Тұрдалы қуғын-сүргінге ұшыраған қазақ зиялыларын еске алу бойынша баяндама жасады. Тақырыпқа байланысты бейнебаян көрсетілді.

Қорытынды сөзді Жастар саясаты бөлімінің меңгерушісі Н.Р.Ахметов, фармакогнозия кафедрасының профессор м.а., фарм.ғ.к. Ж.С.Тоқсанбаева, химиялық пәндер кафедрасының аға оқытушысы А.Е.Бухарбаева айтып, бұл күннің ерекшелігіне тоқталып өтті.