Ұжымдық бірлік – биік кәсіби деңгей

Дәстүрлі түрде өткізіліп отыратын ОҚМФА қызметкерлері арасындағы спартакиада бұл жолы ХХХІІ рет 12-15.01.2016ж. аралығында ұйымдастырылды. Спартакиаданы салтанатты түрде командалар мен жанкүйерлер Қазақстан Республикасының Әнұранын орындап,  фармацевтика факультетінің деканы Н.Ж.Жұмабаев және кәсіподақ төрағасы Е.Қ.Сәлім ашты. 

Жеке бәсекелестікті анықтайтын және ұжымдық бірлікті нығайтатын жарыс түрлері өткізілді. Спартакиадаға қатысуға академияның 13 командасы тапсырыс берді.

14.01.2016ж. арқан тарту сайысы бойынша І орынды – «Гигиена-1» кафедрасы;

ІІ орынды – «Жұқпалы аурулар» кафедрасы;

ІІІ орынды  - «Математика,  информатика және мед.биофизика» кафедрасы иеленді.

Осы күні волейболдан өткен жарыста:

І орынға – «Педиатрия және балалар хирургиясы»;

ІІ орынға –«Гигиена-1» кафедрасы;

ІІІ орынға – «Математика, информатика және мед.биофизика» мен «Фармакогнозия және химия» кафедраларының бірігуімен құрылған команда иеленді.

15.01.2016ж. шағын футболға аталған барлық команда қатысып, ақтық жарыс нәтижесінде І орынды – «Гигиена-1» кафедрасы;

ІІ орынды – «Дәрілер технологиясы»;

ІІІ орынды – «Әлеуметтік-гуманитарлық пәндер» кафедрасы жеңіп алды.

Жеңімпаз командаларға кәсіподақ тарапынан құнды сыйлықтар мен дипломдар үлестірілді. Ал спартакиадаға белсене қатысқан қызметкерлер - Жақсыбаева Ж., Масабаева Т., Бегімбаев О. мақтау қағаздарымен марапатталды. Спартакиаданың барлық жеңімпаздарын медицина факультетінің деканы Б.З.Долтаева құттықтап, марапаттады.