«ҚР Мемлекеттік рәміздер күні»

2021 жылдың 4 маусым күні Әлеуметтік мәселелер және жастар саясаты басқарамасы, Әлеуметтік гуманитарлық пәндер және Қазақстан тарихы әлеуметтік-қоғамдық пәндер кафедраларының ұйымдастыруымен академияның үлкен мәжіліс залында «4-маусым ҚР Мемлекеттік рәміздер күніне» орай салтанатты іс-шара өтті.

Іс шараны Әлеуметтік мәселелер және жастар саясаты басқарамасы басшысы Е.Сәлім ашып беріп, академия ұжымын мерекемен құттықтады.

Іс шараның мақсаты: Мемлекеттік рәміздерді қадірлеу, азаматтардың мемлекет тәуелсіздігін құрметтеуді нығайтып, студенттердің отансүйгіштік сезімін қалыптастыру.

Әлеуметтік гуманитарлық пәндер кафедрасының доценті, профессор Кемелбек Қ.Б және Қазақстан тарихы әлеуметтік-қоғамдық пәндер кафедрасының аға оқытушысы Өтегенов Б.Д «ҚР Рәміздері» жайлы баяндама оқып, деректі фильм көрсетіліп, патриоттық әндер тарту етілді. Іс-шара соңында ұйымдастырушылар академия алдындағы Рәміздер алаңшасына шығып суретке түсті.