Қоғамдық денсаулық: туберкулез бен депрессия мәселесіне междисциплинарлық көзқарас

19 наурызда «Қоғамдық денсаулық: туберкулез бен депрессия мәселесіне междисциплинарлық көзқарас» атты Республикалық студенттік конференция гибридті форматта (офлайн және онлайн) өтті.
Конференцияның ұйымдастырушылары: Әл-Фараби атындағы Қазақ ұлттық университетінің Қоғамдық денсаулық сақтау мектебі, С.Д. Асфендияров атындағы Қазақ ұлттық медицина университетінің эпидемиология, биостатистика және дәлелді медицина кафедрасы, Оңтүстік Қазақстан медицина академиясының неврология, психиатрия, нейрохирургия және реабилитация кафедрасы.
Конференцияға Қоғамдық денсаулық сақтау мектебінің студенттері мен оқытушылары, сондай-ақ жоғарыда аталған университеттердің кафедраларының қызметкерлері қатысты.
Конференцияда Оңтүстік Қазақстан академиясынан сөз сөйлеген, Оңтүстік Қазақстан медицина академиясының неврология, психиатрия, нейрохирургия және реабилитация кафедрасының доценті м.а., PhD докторы, психиатр, психотерапевт, Қазақстандағы КБТ ассоциациясының және Қазақстан Республикасындағы психикалық денсаулық саласындағы мамандар ассоциациясының мүшесі Садыкова Лаура Айтжановна «Туберкулез кезіндегі психикалық денсаулық: депрессивті бұзылыстар және олардың түзетуі» тақырыбында баяндама жасады. Лаура Айтжановна өзінің баяндамасында ДДСҰ мен Қазақстан Республикасындағы психикалық аурулар статистикасын, соңғы ғылыми деректерді, туберкулез бен депрессияны емдеудің өзекті мәселелерін, сондай-ақ осы коморбидті жағдайларды емдеуде мультидисциплинарлы топтың жұмысын маңызды деп атап өтті.