«Қазақ жыры – жүрегімде»

2025 жылдың 4 сәуір күні Жалпы білім беретін пәндер кафедрасының оқытушылары Ж.С. Сарымсакова, А.А.Исабекова, А.Е.Кенжебектің ұйымдастыруымен «Қазақ жыры – жүрегімде» тақырыбында мәнерлеп оқу сайысы өтті. Сайысқа Жалпы білім беретін пәндер кафедрасының меңгерушісі Сатаев Амангелді Тойболұлы сөз алып, білім алушыларға мемлекеттік тілдің маңызы туралы айтып, сан ғасырлар бойы халықтың өзімен бірге жасасып, ұрпақтан - ұрпаққа мұра боп қалып жатқан ауыз әдебиетінің бай саласының бірі қазақ тілін ұрпақтың бойына сіңіре білуге және туған жерін сүюге, қадірлеуге және мақтан етуін айтып, білім алушыларға сәттілік тіледі.
Сайыс екі кезеңге бөлінді: Бірінші кезеңінде білім алушылар қазақтың ұлы ақындары мен жазушыларының өлеңдерін жатқа айтып, қазақ поэзиясының тереңдігін сезінді. Екінші «Кім тапқыр» кезеңінде суреттер бойынша мақал-мәтелді құрастырып, мағынасын ашты.
Сайыстың әділ қазы алқалары «Оңтүстік Қазақстан медицина академиясы» Қазақ тілі мен латын тілі курс меңгерушісі Д.Ж. Кемелхан, Жалпы білім беретін пәндер кафедрасының оқытушысы Г.Қ.Алтынбек, Мейіргер ісі мамандығының білім алушысы М.Ө.Өскенбек өздерінің әділ бағаларын берді. Әділ қазы алқасының шешімімен:
1орынды Касымова Дарья Мейіргер ісі мамандығының білім алушысы
2 орынды Лазар Құралай Мейіргер ісі мамандығының білім алушысы
3 орынды Мадалиев Исфандияр Емдеу ісі мамандығының білім алушылары жеңімпаз атанды және сайысқа қатысушылар алғыс хаттармен марапатталды.