Қос мереке: «Ата Заң мен білім күні» құтты болсын!

2015 жылдың 1- қыркүйек күні Қазақстан республикасы Конституциясына 20 жыл толуына орай «Тәуелсіздік тірегі Ата Заңға-20 жыл!» тақырыбында, білім күніне орай және «Ұлт жоспары-100 нақты қадам» бағдарламасын түсіндіру мен насихаттау мақсатында ОҚМФА акт залында академияның профессорлы-оқытушылық құрамы мен биылғы жылғы талапкер-студенттердің қатысуымен жоғарыда аталған қос мерекеге және жаңа оқу жылына келген студенттерді қарсы алуға орай салтанатты мерекелік жиналыс өткізілді.

ОҚМФА оқу-әдістемелік және тәрбие жұмыстары жөніндегі проректор М.Ұ.Анартаева барлық оқытушылар мен студенттерді қос мерекемен құттықтады. «Қазақстан тарихы және әлеуметтік -қоғамдық пәндер» кафедрасының оқытушысы Дарашева Замзагүл Бимахамбетқызы ҚР Конституция күніне арналған «Тәуелсіздік тірегі Ата Заңға-20 жыл!» және «Ұлт жоспары-100 нақты қадам» атты тақырыптарында негізгі баяндама жасады және де әр факультет декандары құттықтау сөздері мен жылы лебіздерін білдірді.

Кездесу барасында, студент жастарға оқу үрдісі бойынша түсіндіру жұмыстары жүргізіліп, академияның сыртқы және ішкі құрылымы таныстырылып өтті. Іс-шараның соңы- академияның өнерлі жастарының орындауында әсем әуендер шырқалып, ОҚМФА студенттерінің Әнұранымен өз соңына жетті.