Оқыту семинары: "педиатриядағы шұғыл көмек"

3-5 сәуірде Шымкент қалалық жедел медициналық көмек көрсету стансасында "Педиатрия-1" кафедрасының доценті Б.Б. Баймаханованың жетекшілігімен және International AHA training center-Kazanada орталығы, Канада мен Қазақстанның бірлескен ұйымында Орталық жаттықтырушылары С.Б.Тәжібекова, М.К.Досыбаева, А.Т.Бектаеваның қатысуымен ОҚМА АҚ 6 курс Педиатрия ББ интерндеріне арналған «Педиатриядағы шұғыл көмек» пәні бойынша 2 күндік оқыту семинары ұйымдастырылды.

Орталықта келесі Heartsaver, BLS, ACLS, PhTLS, Pals циклдары жүргізіледі.
Миссия-адамдар ұзақ өмір сүруі үшін әлемді жүрек пен ми ауруынан арылту!
Орталықтың негізгі мақсаттары-шұғыл жағдайларда көмек көрсетуге көбірек адамдарды оқыту. Курстар медицина қызметкерлеріне де, медициналық білімі жоқ адамдарға да арналған. Американдық Жүрек Қауымдастығының бағдарламалары бойынша оқыту халықаралық стандарттарға сәйкес жүргізіледі.
Семинардың мақсаттары:
Білім беру: білім мен дағдыларды жалпылау және жүйелеу, зардап шеккен балаларға алғашқы көмек көрсетудің негізгі ережелерін игеруді қамтамасыз ету.
Дамытушы: аналитикалық ойлау мен қызметті дамыту.
Тәрбиелік: оқытылатын пәнге деген қызығушылықты және жұмыстың сапалы орындалуына жауапкершілікті тәрбиелеу.
Семинар барлық қажетті фантомдар, тренажерлер және ең қатаң әлемдік талаптарға сәйкес келетін техникалық оқыту құралдарының кешенімен жабдықталған кабинеттерде өткізілді.
Балаларға шұғыл көмек көрсету туралы теориялық білімдерін тиімді игеру үшін интерндер тәжірибелі мамандармен әр түрлі клиникалық шұғыл жағдайларға дағдыланды.