«ОҚМА Ректор кубогы-2018» Жайдарманшылар сайысы

2018 жылдың 26 сәуір күні Жастар саясаты бөлімі мен «Болашақ» АЖО-ның ұйымдастыруымен «ОҚМА Ректор кубогы-2018» Жайдарманшылар сайысы өз дәрежесінде өтті. Шараны оқу орнымыздың ректоры, профессор М.Рысбеков ашып беріп, қатысушыларға сәттілік тіледі. Аталған сайыста 5 команда бақ сынасты: ЖасStar, Біздің құрама, Эксклюзив, Адреналин, Жедел жәрдем. Әділ қазылар алқасында ОҚО, Жайдарманшылар клубының директоры А.Ибраев, гигиена кафедрасының аға оқытушысы М.Тайжанова, жайдарманшы және академиямыздың түлегі Б.Еркінбай, химиялық пәндер кафедрасының оқытушысы және ардагер жайдарманшы Б.Тасжанов, Ішкі саясат басқармасының «Жастар ресурстық орталығы» КММ-нің психолог-маманы әділ төрелік жасады. 3 кезең бойынша сайысқа түскен жайдарманшылардың ішінен қонымды әзілмен «Жедел жәрдем» командасы екінші жыл қатарынан жеңіске жетіп, 1 орынды иеленді. Барлық қатысушыларға арнайы сертификат беріліп, қомақты сыйлықтармен марапатталды.