«Медицина үздігі – 2023» байқауы
Құрметті «Оңтүстік Қазақстан медицина академиясы» АҚ профессор-оқытушылар құрамы мен ғылыми қызметкерлері!
ҚР Денсаулық сақтау министрлігінің «Медицина үздігі – 2023» республикалық конкурсының бірінші (ЖОО) кезеңін өткізу туралы хабарлауға қуаныштымыз.
«ОҚМА» АҚ қызметкерлері конкурсқа 4 номинация бойынша қатыса алады:
1. «Медициналық жоғары оқу орнының үздік оқытушысы»,
2. «Медицина колледжінің үздік оқытушысы»,
3. «Денсаулық сақтау саласындағы үздік ғалым»,
4. «Денсаулық сақтау саласындағы үздік жас зерттеуші».
Конкурстың бірінші (ЖОО) кезеңіне қатысу үшін 2023 жылғы 26 мамырға дейін үміткерлер мынадай құжаттарды электрондық түрде мемлекеттік немесе орыс тілдерінде ұсынуы тиіс:
1) номинациясын көрсете отырып конкурсқа қатысу туралы еркін нысанда өтініш (PDF форматында);
2) фотосуреті бар түйіндеме (PDF және Word форматында);
3) конкурсант жұмыс істейтін бөлімшенің басшысы куәландырған кәсіптік қызмет туралы есеп тиісті номинацияға бағалау әдістемесінде көрсетілген көрсеткіштердің әрқайсысына қол жеткізу бойынша кәсіби қызмет туралы деректермен және ақпаратпен (көрсеткіштердің (өлшемшарттар мен индикаторлардың) әрқайсысына қол жеткізу жөніндегі ақпарат кестелік форматта, бағалау әдістемесінде көрсетілген нысан бойынша ұсынылады тиісті номинация. Есеп көлемі 15 баспа парағынан аспауы керек) (PDF және Word форматында);
4) конкурсант туралы бейнеролик (3 минуттан аспайды);
5) конкурсанттың қалауы бойынша қосымша мәліметтер (10 шрифтпен 3 баспа парақтан артық емес) (PDF және Word форматында).
Барлық сұрақтар бойынша Ғылыми-клиникалық жұмыстар, докторантура және магистратура басқармасының маманы Мұсаева Арина Ғалымқызына хабарласа аласыздар (8-771-320-24-22).
381 қаралым