«Медакадемия» көңілді тапқырлар командасы республикалық телевизиялық Премьер лига ойындарына жолдама алды

2018 жылы ОҚМА басшылығының қолдауымен, Жастар саясаты бөлімінің маманы Б.Тасжановтың бастамасымен құрылған «MedCity» жайдарман тобы облыстық қазақша КВН ойындарына қатысып бақ сынаған болатын.

2019 жылдың ақпан айының 3-13 күндер аралығында жоғарыда аталған топ «Медакадемия» атты жаңа атаумен Астанада өткен республикалық «Маусымашар-2019» фестиваліне қатысып Гала концертте өнер көрсетті және республикалық телевизиялық Премьер лига ойындарына жолдама алды. 

Алдағы уақытта «Медакадемия» Жайдарман тобы академия намысын басшылықтың қолдауымен Республикалық командалар дәрежесінде қорғап, маусымда ойнайтын болады. Бұл топтың бағындырар белесі алда деп сенеміз! Оқу орнымыздың жайдарман тобының ойындары телеэкраннан көрсетілетін болады.