«Көзімнің қарасы» атты әдеби сазды кеш

2015 жылдың 5 қараша күні академияның үлкен мәжіліс залында жастар саясаты секторы мен «Гигиена -1» кафедрасының ұйымдастыруымен Абай Құнанбаевтың туылғанына 170 жыл толуына орай «Көзімнің қарасы» атты әдеби сазды кеш кең көлемде өткізілді. Кешке академия басшылары мен профессорлы-оқытушы құрамы қатысып, рухани байып, ерекше әсер алғандықтары туралы пікір білдірді. 

Іс-шара барысында А.Құнанбаевтың қара сөздерінен үзінді оқылып, әндері орындалды. Сонымен қатар, «Масғұт» поэмасын орындаған академияның 2 курс студенті көрермендерді керемет әсерге қалдырды.  Ақынның өміріне байланысты сұрақтар қойылып, дұрыс жауап берген көрермендерге сыйлық таратылды.

Кешке ат салысқан академияның белсенді студенттерін кафедра меңгерушісі Толтаева Бибігүл Зайдуллақызы алғыс хатпен марапаттады (қамтылған студенттер саны – 300).