Фокустағы инсульт: Болашақ мамандарға арналған практикалық тренинг

2024 жылдың 26 қазанында неврология, психиатрия, реабилитация және нейрохирургия кафедрасында «Ми мен жұлынның қан айналымы. Жүйке жүйесінің қан тамырлары аурулары» ЖМОБ-07-20 тобында «Жалпы дәрігерлік практика» оқу бағдарламасы бойынша 5 курс студенттері арасында 29 қазанда атап өтілетін Дүниежүзілік инсультпен күрес күніне орай тәжірибелік сабақ қарастырылды. Іс-шараның мақсаты студенттер арасында инсульт проблемалары, оның белгілері, диагностикасы мен емдеу әдістері туралы ақпараттандыру, сондай-ақ алдын алу шараларын талқылау болды.
Тәжірибелік сабақ барысында студенттер келесі сұрақтарды қарастырды: инсульт аурушаңдылығы мен өлімінің статистикасы, ишемиялық және геморрагиялық инсультке бөлінуі, инсульт белгілері (Ф.А.С.Т. – Бет, Қол, Сөйлеу, Уақыт), аспаптық және зертханалық әдістер (КТ, МРТ, УДЗ.), инсультты емдеу, ұзақ мерзімді реабилитация және қалпына келтіру. Студенттер клиникалық жағдайларды талдап, диагностика жүргізді және науқастарды емдеу мен оңалтудың заманауи тәсілдерін ұсынды. Белсенділік сыни тұрғыдан ойлауды және топпен жұмыс істеу қабілетін дамытуға ықпал етті. Пікірталас форматы студенттердің білімдерін шыңдай отырып, тәжірибесін байытты. Ашық сабақ инсульт проблемалары туралы хабардар болу қажеттілігін және қазіргі денсаулық сақтауда әсіресе маңызды болып табылатын уақтылы көмек көрсетудің маңыздылығын растады.
М.ғ.к., доцент м.а. Мұстапаева Г.А. - Студенттер маңызды және өзекті мәселені сәтті талқылау нәтижелерін көрсетті, клиникалық жағдайларды белсенді түрде талдай отырып, қатысудың жоғары деңгейін көрсетті, бұл оларға инсульт белгілері мен алдын алу туралы білімдерін тереңдетіп қана қоймай, диагностика мен емдеуді дамытуға мүмкіндік береді,- деп айтты.
Сабаққа доценттер Мустапаева Г.А., Полукчи Т.В., ассистенттер: Есетова А.А., Мусаева С.К., Төлебаева Г.Е., Сулейменов М.А. қатысты.
Инсульт тақырыбы бойынша тәжірибелік сабақ сәтті өтті және студенттердің осы патология туралы білімдерін тереңдетуге ықпал етті. Қатысушылар кәсіби қызметке дайындық және жалпы денсаулық сауаттылығын арттыру үшін мұндай іс-шаралардың маңыздылығын атап өтті.