Фармацевтикалық факультет студенттеріне арналған білім беру олимпиадасы

ҚР президенті Н.Назарбаев өзінің баяндамаларында 21 ғасыр бұл - білім бәсекелестігінің ғасыры,сондықтан елге заманауи ойлайтын, Қазақстанды тек алға жетелейтін адамдар керек деп бірнеше рет атап айтқан.Осыған байланысты 2017 жылдың 13 сәуір күні фармацевтикалық факультеттің 4 курс студенттері үшін халықаралық қатысумен «Дәрілер технологиясы және фармация ісін ұйымдастыру» мамандығы бойынша білім беру олимпиадасы өтті.Олимпиаданы «Фармация ісін ұйымдастыру және басқару», «Дәрілер технологиясы» кафедралары ұйымдастырды.

Олимпиада мақсаты- ең ақылды, қабілетті және дарынды студенттерді таныту.Олимпиадаға қатысу үшін фармацевтикалық факультетінің 4 курс студенттері алдын-ала тестілеуден 20 студент іріктеліп,одан 4 топ құрылды.Қатысушылар құрамында тек ОҚМФА студенттері ғана емес, ОҚМФА-да ұтқырлық бойынша оқып жатқан БММУ(Башкортостан,УФА), Қазақстанның басқа қалаларының (Астана,Қарағанды,Семей,Алматы) студенттері де кірді.  Қатысушылардың жауаптарын бағалау үшін әділ-қазылар алқасы құрылды,құрамға кәсіби бейімдеуші кафедралардың меңгерушілері,тәжірибелік фармация қызметкерлері кірді.Олимпиадаға оқу бөлімінің өкілдері,факультет деканы қатысты.

Олимпиада сәтті өтті.Топтар теориялық білімдерін,қажетті тәжірибелік дағдыларын  және жеңіске деген талпыныстарын көрсетті. Жарыс нәтижесінде ақтық мәреге 2 топ жетті.Үш кезең нәтижелері бойынша ең жоғарғы ұпай (69) жинаған «Люксфарм» (топ басшысы Рысқұл Қанағат, 401 ФКБ) тобының қатысушыларына I дәрежедегі диплом,естелік сыйлықтар берілді.67 ұпай жинаған «Альфа» (топ басшысы Лебедева Афина, 406 ФРБ) тобының қатысушыларына II дәрежедегі диплом,естелік сыйлықтар берілді. Олимпиаданың қалған қатысушылары сертификаттарға ие болды. Әділ-қазылар алқасының мүшелері барлық қатысушыларды құттықтады.