«EUROPHARMA» ЖӘНЕ «ФАРМАЦИЯ ІСІН ҰЙЫМДАСТЫРУ ЖӘНЕ БАСҚАРУ» КАФЕДРАСЫНЫҢ БАЗАСЫНДА СТУДЕНТТЕРДІ ДУАЛЬДІ ОҚЫТУ
«Europharma» ЖШС-нің ОҚМА-мен бекітілген ынтымақтастық жоспары аясында фармацевтикалық факультетінің 5 курс студенттерін «Фармацевтикалық логистика және кәсіпкерлік қызметтің негіздері» пәні бойынша дуалды оқыту жүзеге асырылуда. Студенттер оқытушылармен бірге «Europharma» ЖШС-нің офисіне, қоймасына барды.
«Europharma» ЖШС персоналды оқыту жөніндегі менеджері Каликулова Шолпан Ержанова қойманың логистикалық құрылымын көрсетіп, негізгі функцияларды, тауарлық қорларды басқару процесін, қабылдау және экспедициялық бөлімдердің жұмысын сипаттады. Келесі сабақтарда студенттер "Europharma"желісі дәріханаларының логистикалық қызметімен тікелей танысады.
Студенттерді осы әдіспен оқыту қажетті кәсіби құзыреттіліктерді меңгеріп, жұмыс берушілердің қажеттіліктерін қанағаттандыратын білікті фармацевтикалық кадрларды дайындауға мүмкіндік береді.
![](/img/view.png)