ДҮНИЕЖҮЗІЛІК ИНСУЛЬТ КҮНІ!

2018 жылдың 29 қазанында, ОҚМА неврология, психиатрия және психология кафедрасының профессор оқытушылары Облыстық клиникалық ауруханасының дәрігер неврологтарымен бірлесіп бас миының қан тамырлар ауруларының біріншілік және екіншілік алдын алу шаралары бойынша, диагносткалық, емдік сұрақтарына науқастарға ақысыз кеңес жүргізді. Шымкент қаласы және Түркістан облысы бойынша 114 тұрғынға кеңес берілді. Науқастардың негізгі бөлігін Артериальді гипертониямен және мидың созылмалы қан айналымының бұзылысымен ауыратындар құрады.

Барлық науқастарға жеке профилактикалық, диагностикалық және емдік тағайындаулар беріліп, инсульттің клиникалық көрінісін және осы белгілер анықталған кезде дәрігерге дер уақытында қаралудың маңыздылығын түсіндірді. Сонымен қатар мидың қан айналымы бұзылысының жедел сатысындағы науқастарға қайталама инсульт алмас үшін алдын ала ұсыныстар айтылып кеңес берілді, медикаментозды және медикаментозды емес ем-шаралар тағайындалды. Инсульт көпсалалы мәселе болғандықтан науқастар басқада мамандардың: эрготерапевтке, кинезиотерапевтке, физиотерапевтке және ине шаншу терапевтінің кеңесіне жіберілді.