БАЛАНЫ ЖАСТАН...

Жастар денсаулық орталығының ұйымдастыруымен «Терапия бакалавриат» кафедрасының қатысуымен 24.12.2015ж. №81  Т. Тәжібаев атындағы жалпы орта мектебінің жоғарғы сынып оқушыларына  «Жасөспірімдер гигиенасы» және «Жасөспірімдердің дұрыс тамақтануы» тақырыптарына интерактивті дәрістер өткізілді.

Жасөспірімдердің тиімді тамақтануы мен жеке гигиена тәртібін сақтауы, олардың дұрыс өсуін, әртүрлі мүшелер мен тіндердің морфологиялық құрылымы мен қызметінің уақтылы жетілуін, психомоторлы және интеллектуалды дамуының тиімді көрсеткіштерін, ағзаның инфекция мен басқа да қолайсыз сыртқы факторлар әсеріне қарсы тұруын қамтамасыз ететін ең маңызды жағдайлардың бірі болып табылады. Жасөспірімдердің тиімді тамақтануы мен гигиенасы, олардың денсаулық жағдайы сияқты, мемлекеттің ерекше көңіл бөлетін мәселелерінің бірі. Сол себепті жастар денсаулық орталығы қаламыздың орта мектептерінің оқушылары арасында үздіксіз санитарлық-ағарту жұмыстарын жүргізіп отырады.