Антибиотиктерді тиімді қолдану апталығы

Үстіміздегі жылдың қараша  айының 27-ші жұлдызында жұқпалы аурулар және дерматовенерология кафедрасының ұйымдастыруымен ЖОО арасындағы бүкіл әлемдік антибиотиктерді тиімді қолдану апталығына орай ғылыми конференция өтті. 

Конференцияға ОҚМФА-ның резиденттері,дәрігер-интерндері,магистранттары, алғашқы медикалық-санитарлық жәрдем №1 кафедрасы,сонымен қатар Қ.А.Ясауи атындағы Халықаралық Қазақ-Түрік Университетінің жұқпалы аурулар және фтизиатрия кафедрасы қатысты.

Конференция барысында антибиотиктерге төзімділік, аурухана ішілік инфекцияны бақылау тақырыбында баяндамалар жасалынды. Кафедра мүшелері қатысушыларға арнап, арнайы танымдық антибиотиктерге төзімділік тақырыбы аясында викториналық сайыстар,сөзжұмбақтар дайындады. Конференция соңы постерлік баяндамалар кезеңімен аяқталып,қатысушыларға арнайы марапаттау қағаздарымен арнайы даярлаған сыйлықтар  берілді.