АММИ ШФ (қазіргі ОҚМА) тұңғыш ректоры Есболған Тегісбайұлы Тегісбаевтың 90 жас толуына арналған халықаралық конференция

«Оңтүстік Қазақстан медицина академиясы» АҚ, үлкен акт залында 2022 жылы 29 маусым сағат 11.00-де Алматы мемлекеттік медицина институты Шымкент филиалының (қазіргі ОҚМА) тұңғыш ректоры Есболған Тегісбайұлы Тегісбаевтың 90 жас толуына арналған халықаралық конференциясы дәстүрлі түрде және қашықтан өтті. Конференцияны «ОҚМА» ректоры М.Рысбеков алғы сөзімен ашып берді, сөз кезегін мерейтой иесі Е.Тегісбаев жалғастырды.

Аталмыш конференцияда сазды күй мен ән салынып, Е.Тегісбеевтың өмір жолы жайында бейне ролик көрсетіліп, шақырылған қонақтардың көңілдерін бір серпіді. Өткізіліп отырған конференцияның сыйлы қонақтары ретінде: Шымкент қаласының денсаулық сақтау саласының бастығы Асылбеков Н.А.; ҚРМУ ректоры Джайнакбаев Н.Т. (қашықтан), Алматы обл., Ақсу ауданы әкімі Базарханов Е.С. (қашықтан); Халықаралық «Алаш» сыйлығының лауреаты, «Парасат», «Барыс» ордендерінің иегері, Шымкент қаласы, Түркістан облысының құрметті азаматы, ақын, жазушы Ханбиби Есенқарақызы; С.Асфендияров атындағы Қазақ ұлттық медицина университетінің стратегиялық және корпоративтік даму жөніндегі проректоры, проф., фарм.ғ.д. Датхаев У.М. (қашықтан); АМУ, фармацевтикалық пәндер кафедрасының профессорлары фарм.ғ.докторлары Арыстанов Ж.М., Арыстанова Т.А.; АММИ ШФ бұрынғы оқу бөлімі бастығы Григорьева Л.А.; «ҚР Денсаулық сақтау ісінің үздік қызметкері» Рысбекова З.М. сонымен қатар Оңтүстік Қазақстан медицина академиясы, С.Асфендияров атындағы Қазақ ұлттық медицина университеті, М.Оспанов атындағы Батыс Қазақстан медицина университетінің профессор-оқытушылар құрамы; біздің Түркістан облысының жұмыс берушілері; 1984, 1986, 1987 жж. түлектер, соның ішінде әлемнің (Германия, Греция, Ресей) әр бөлігінен қашықтан қатысты.

Конференция соңында қарар қабылданды.