Академиялық ұтқырлық бағдарламасы

Академиялық ұтқырлық бағдарламасы негізінде Ішкі аурулар пропедевтикасы кафедрасының қызметкерлері: медицина ғылымдарының кандидаты, доцент м.а., кафедра меңгерушісі Садыкова Г.С. ассистенттер: Корганбаева Х.Т., Рысбекова Г.А., Батхиева М.Б. Ташкент қаласындағы «Ташкент медицина академиясына» іссапармен барып қайтты. «Оңтүстік Қазақстан медицина академиясы» АҚ мен «Ташкент медицина академиясы» арасындағы бірлескен меморандум аясында 13.12.2021ж – 20.12.2021ж күндері аралығында арнайы тәжірибелік іссапар ұйымдастырылды. Іссапар барысында 3-курс студенттеріне оффлайн режимде өзекті дәрістер мен тәжірибелік сабақтар өткізіліп, оқу бағдарламасымен, тәжірибелік дағдылар орталығымен танысып, оқытушылар өзара тәжірибе алмасып, ой-пікірлерімен бөлісті.
«Емдеу ісі» мамандығы 3-курс студенттеріне Ішкі аурулар пропедевтикасы пәні бойынша оқытушылар арнайы дәрістер оқыды. Дәрістер мен тәжірибелік сабақтар барысында студенттер өздерін қызықтырған сұрақтарына жауап алып, белсенділік танытты.
Іс-шараның соңында «Ташкент медицина академиясы» Ішкі аурулар пропедевтикасы оқытушылары мен студенттері алғыстарын білдіріп, алдағы уақытта оффлайн дәрістер мен тәжірибелік сабақтарды жиі өткізіп, өзара білім мен тәжірибе алмасуға тілектерін білдірді.