Академиялық ұтқырлық

2024 жылғы 25-29 наурыз аралығында «Микробиология, вирусология және иммунология» кафедрасында академиялық ұтқырлық аясында «Аллергология және иммунология (ересектер, балалар)» ББ бойынша РАИҚ-01-23 топ резиденттеріне «Астана Медицина Университеті» КеАҚ, «Нефрология, гематология, аллергология және иммунология курстарымен ішкі аурулар» кафедрасының медицина ғылымдарының докторы, профессор Махамбетов Каергельды Омбаевич семинарлар өткізді. Семинарлар пәннің оқу жұмыс бағдарламасына сәйкес мына тақырыптарды қамтыды:
1. Балалардағы аллергиялық ринит. Этиологиясы. Патогенезі.
2. Аллергиялық ринит. Клиникасы. Спецификалық диагностикасы. Емі. Балалардағы ерекшеліктері.
3. Балалардағы аллергиялық конъюнктивит. Этиологиясы. Патогенезі. Диагностикасы. Клиникасы. Емі.
4. Бронх демікпесі, патогенезі, балалық шақтағы клиниканың ерекшеліктері, фенотиптер.
5. Балалық шақта аллергиялық компонент басым демікпе.
Бағдарлама өте мазмұнды және өзекті болды, бұл резиденттердің аллергология туралы білімдерін тереңдетуге мүмкіндік берді. Сабақтар заманауи оқыту әдістерін қолдана отырып жақсы ұйымдастырылды, бұл оқу процесін нәтижелі етті. Каергельды Омбаевичке құнды тәжірибесі үшін алғыс айтамыз, одан әрі ынтымақтастыққа үміттенеміз.