Академиялық адалдық ережелері мен антикоррупциялық стандарт талаптарын, академияның этикалық ережелерін студенттерге түсіндіру

Сыбайлас жемқорлыққа азаматтық қоғамның қатысуынсыз қарсы тұру мүмкін емес. Сыбайлас жемқорлыққа қарсы мәдениетті қалыптастыруда жас ұрпақпен жұмыс істеу ерекше маңызды рөл атқарады. Жастар арасында сыбайлас жемқорлыққа қарсы мәдениетті қалыптастыру мақсатында 2024 жылғы 25 қарашада Педиатрия-1 кафедрасында кафедра меңгерушісі К.С.Кемельбековтың ұйымдастыруымен білім алушылар мен кафедраның профессорлық-оқытушылық құрамының қатысуымен «Студенттер арасында сыбайлас жемқорлыққа қарсы мәдениетті қалыптастыру» тақырыбында тәрбие сағаты өткізілді.

Мақсаты:
1. Жастардың назарын сыбайлас жемқорлық мәселесіне қоғамға қауіпті құбылыс ретінде аудару.
2. «Сыбайлас жемқорлық» ұғымына анықтама беру, оның түрлерін қарастыру, таралуына ықпал ететін себептерді анықтау, сондай-ақ жағымсыз салдарын талдау. Қатысушыларды әртүрлі елдердегі сыбайлас жемқорлыққа қарсы қызмет тәжірибелерімен таныстырып, сыбайлас жемқорлықтың әртүрлі түрлерімен күресудің тиімді әдістері бойынша ұсыныстар әзірлеу.
3. Студенттердің сыбайлас жемқорлыққа қарсы ойлау қабілетін қалыптастыру.
4. Сыбайлас жемқорлыққа қарсы тұру және оған төзбеушілік мәселелерінде белсенді азаматтық ұстанымды тәрбиелеу.

Сыбайлас жемқорлыққа қарсы тәрбиенің негізгі міндеттері:
• сыбайлас жемқорлық құбылысын, оның анықтамасын, сипаттамаларын, түрлерін, жіктемесін, себептерін, салдарын және таралу механизмдерін зерттеу;
• сыбайлас жемқорлықтың тарихи түрлерімен, оның өмірдің әртүрлі салаларындағы ықпалының ерекшеліктерімен танысу, сондай-ақ осы құбылыстың себептері мен зиянды салдарын талдау;
• жастардың сыбайлас жемқорлықтың кез келген түріне төзбеушілігін қалыптастыру;
• сыбайлас жемқорлыққа қарсы әдістер мен механизмдерге оқыту;
• сыбайлас жемқорлыққа қарсы дүниетаным қалыптастыруға қажетті құндылықтарды тәрбиелеу.
Жоғары оқу орындары сыбайлас жемқорлыққа қарсы дүниетанымды қалыптастыруда маңызды рөл атқарады. Бұл процесте ерекше жауапкершілік студент жастарды тәрбиелеумен және ағартумен айналысатын оқытушыларға жүктеледі, олар студенттерге сыбайлас жемқорлыққа қарсы саналы және белсенді көзқарасты дамытуға көмектеседі.Білім беру жүйесі сыбайлас жемқорлықтың алдын алуға айтарлықтай әсер ететін реформалар мен жаңашылдықтар енгізілуі мүмкін маңызды әлеуметтік салалардың бірі болып табылады. Сыбайлас жемқорлыққа қарсы білім беру – бұл мемлекеттік стандарттар негізінде әзірленген білім беру бағдарламалары арқылы жүзеге асырылатын, құқықтық сана қалыптастыру, құқықтық мәдениетті арттыру және студенттерде сыбайлас жемқорлыққа қарсы дүниетаным қалыптастыру мақсатында бағытталған оқыту мен тәрбиелеу процесі.Жастар арасындағы сыбайлас жемқорлық мінез-құлық үлгілеріне қарсы күрестің тиімділігі көп жағдайда сыбайлас жемқорлыққа қарсы тәрбиенің бұқаралық сананың терең қабаттарына әсеріне байланысты. Бұл процессте тек білім беру ортасы ғана емес, сонымен қатар отбасылардың жастардың құндылықтары мен мінез-құлықтарын қалыптастырудағы ықпалы да маңызды рөл атқарады.