1 Қыркүйек - Білім күні

2024 жылдың 2 қыркүйек күні Оңтүстік Қазақстан медицина академиясы 1 курсқа қабылданған студенттерге “1 қыркүйек-Білім күні” салтанатты жиыны өтті. Жиынды Оңтүстік Қазақстан медицина академиясының ректоры Сейтжанова Жанна Серікжанқызы ашып беріп, студенттерді білім күнімен құттықтады. Сонымен қатар білім жолында аянбай еңбек етуге шақырды.Тәрбие жұмысы және әлеуметтік мәселелер жөніндегі проректор Сәлім Ербол Қалтұрсынұлы оқу орнымыздың ішкі тәртіп ережелерімен таныстырып өтті. Оқу әдістемелік орталығының басшысы Долтаева Бибігүл Зайдуллақызы сабақ кестесі мәселелері туралы ақпарат айтып өтті. Тіркеу бөлімінің басшысы Сыздыкова Саулет Акмурзаевна курстан курска өту балдарын және емтихан тапсыру тәртібімен таныстырды. Жиын соңында сөз алған кітапхана ақпараттық орталығының басшысы Дарбичева Раушан Искаковна және факультет декандары студенттерге кітапхана туралы ақпарат беріп, деканат қызметкерлерімен тығыз байланыста болуын ескертті. 
Оңтүстік Қазақстан медицина академиясына қабылданған 1 курс студенттерін жаңа оқу жылымен шын жүректен құттықтаймыз.