«Жергілікті жердің салт-дәстүрлері. Отан отбасынан басталады. Отбасылық дәстүрлер» іс-шара есебі

Отбасы дәстүрлері мен әдет-ғұрыптарын насихаттау аясында бірінші курс студенттері үшін «Жергілікті жердің салт-дәстүрлері. Отан отбасынан басталады. Отбасылық дәстүрлер» тақырыбында үйірме сағаты өткізілді.
Студенттер ұлттық мәдениетті тереңірек зерттеу және шығармашылық қабілеттерін көрсету үшін ерекше мүмкіндік алды. Оларға тек ұлттық дәстүрлерді құрметтеу ғана емес, сондай-ақ оларды болашақ ұрпақтар үшін сақтаудың маңыздылығын түсіну және сол үшін жауапкершілікті өз мойнына алу маңызды болды. Іс-шараның басты мақсаттарының бірі – мәдени дәстүрлерді сақтау мен насихаттау. Іс-шара барысында тақырыпқа қатысты баяндамалар тыңдалып, бейнемазмұн көрсетілді, сондай-ақ белсенді пікірталас өтті. Студенттер сұрақтар қойып, өз пікірлерін ашық білдірді. Бұл іс-шара жастар арасында ұлттық дәстүрлерге құрметті арттыруға және мәдени мұраны сақтау тұрғысынан дәстүрлердің маңыздылығын түсінуге септігін тигізді.