Жас толқын – 2024

2024 жылдың 19 қараша күні ОҚМА үлкен мәжіліс залында Жастар саясаты бөлімінің ұйымдастыруымен, факультетаралық  «Жас толқын 2024» байқауы өтті. Аталған байқау мақсаты жас өнерпаздарды анықтау, дарынды жастарға қолдау көрсету, студенттердің бір-біріне деген достық, сыйластық сезімдерін арттыру. Байқауда «Үздік ән», «Үздік би», «Үздік поэзия», «Үздік жайдарман», «Үздік аспаптық өнер», «Үздік қойылым», «Үздік жүргізушілік», «Үздік топтық ән» номинациялары бойынша бақ сынасқан студент жастар ерекше белсенділік танытып, факультеттер намысын жоғары дәрежеде қорғап шықты. Әділ қазы алқаларының құрамында «Алтын орда» қоғамдық қорының президенті Қажым Ералы Мақсүтұлы, «Auezov Zhastary» қоғамдық қорының төрағасы Қуаныш Нұрлыислам Байбосынұлы, «Жастар Рухы» Жастар қанатының консультанты Сырлыбаев Абай Сырлыбайұлы төрелік етті.

Байқау қорытындысы бойынша 1 орын Фармация факультеті , 2 орынды Медицина факультеті, 3 орынды Жатақхана тобы иеленді.  Медицина колледжі белсене қатысқаны үшін алғыс хатпен марапатталды. «Үздік ән» номнациясын Медицина колледжі, «Үздік жайдарман» номинациясын Медицина колледжі, «Үздік би» номинациясын Фармация факультеті, «Үздік поэзия» номинациясын Медицина колледжі, «Үздік көрініс» Жатақхана тобы, «Үздік топтық ән» номинациясын Медицина факультеті, «Үздік аспаптық өнер» Медицина факультеті және «Үздік жүргізуші» номинациясын Фармация факультеті иеленді. Оңтүстік Қазақстан медицина академиясының студент жастары өздерінің медицина саласында ғана емес, өнерде де талантты екендіктерін дәлелдеп шықты.