«Тұсау кесер – 2024»

2024 жылдың 26 қыркүйек күні Шымкент қаласы Жастар ресурстық орталығында, Жастар саясаты бөлімінің ұйымдастыруымен және ОҚМА басшылығының қолдауымен жыл сайын дәстүрлі түрде ұйымдастырылатын академияның І курс студенттер қатарына қабылданған білім алушыларға арналған «Тұсау кесер - 2024» салтанатты мерекелік іс-шарасы өтті.
Іс-шараға ОҚМА АҚ дара құрылтайшысы Сейтжанов Серікжан Сейітжанұлы, ОҚМА АҚ ректоры Сейтжанова Жанна Серікжанқызы, ПОҚ мен студенттер қатысты. Мерекелік іс-шараны салтанатты түрде ОҚМА АҚ дара құрылтайшысы т.ғ.д., профессор Сейтжанов Серікжан Сейітжанұлы және ОҚМА АҚ ректоры Сейтжанова Жанна Серікжанқызы ашып, академияның бірінші курс студенттеріне символикалық «Білім кілті» мен «Студенттік билетті» табыстады. Сондай-ақ 1-курс студенттеріне ізгі ниет-тілектерін білдіріп, алдағы оқу жылында үлкен табыстар, жақсы жетістіктерге жетуін, оқуда озат болуларына тілек білдірді.

Бірінші курс студенттері салтанатты түрде дәрігер антын қабылдады.
Іс-шараның соңы эстрада әншілерінің қатысуымен концерттік бағдарламаға жалғасты. Аккордеоншы Махмуд Урумбай, «Қазына» би ансамблі өнер көрсетіп және іс-шараның басты жұлдызды қонағы Байтанат жастармен бірге ән шырқады.
Барша 1 курс студенттерін медицина мамандарын даярлаудағы жетекші жоғарғы оқу орындарының бірі Оңтүстік Қазақстан медицина академиясына келуімен шын жүректен құттықтаймыз!