«Тілім менің – мерейім !» атты мәнерлеп оқу сайысы

2024 жылы 19 қыркүйек күні медицина колледжінің «Жалпы білім беретін пәндер» кафедрасының қазақ тілі мен әдебиеті пәнінің оқытушылары мен А.С.Пушкин атындағы Оңтүстік Қазақстан облыстық әмбебап ғылыми
кітапхана қызметкерлерінің ұйымдастыруымен «Қазақстан халқының тілдер мерекесіне» орай қазақ ақын-жазушыларының шығармашылықтарын насихаттау мақсатында «Тілім менің – мерейім!» тақырыбында мәнерлеп оқу сайысы өткізілді.
Сайыстың мақсаты денсаулық сақтау жүйесінде мемлекеттік тілдің қолданылу аясын кеңейту және тіл саясатын жүзеге асыру.
Байқаудың алғы сөзін медицина колледжінің «Жалпы білім беретін пәндер» кафедрасының меңгерушісі Аманкелді Тойболұлы Сатаев ашып, Елбасының данышпан саясатының арқасында елімізде қоныстанған барлық ұлттардың тілдерін, мәдениетін,сондай-ақ мемлекеттік тілдің мәртебесін арттыру бағытында қол жеткізген айтарлықтай жетістіктерге тоқталып, мемлекеттік тілді құрметтеуге, әдет-ғұрпымызды сыйлауға, алған білімдерін іс-жүзінде іске асыра білуге тәрбиелеу деп үміткерлерге сәттілік тіледі. Сайысқа қатысқан білім алушылар тіл туралы өлеңдерін оқып, тіл байлықтарының кең екенін көрсетіп, өз бақтарын сынады.
Сайысқа қатысушылардың өнеріне Оңтүстік Қазақстан медицина академиясы АҚ жанындағы медицина колледж директорының тәрбие ісі жөніндегі орынбасары Тайжанова Меруерт Аюбековна, «Жалпы білім беретін пәндер» кафедрасының оқытушысы Ибрагимова Гулнар Слямхановна, А.С.Пушкин атындағы Оңтүстік Қазақстан облыстық әмбебап ғылыми кітапханасының
кітап қорын толықтыру және өңдеу бөлімінің сектор меңгерушісі Умурзакова Шолпан Абдуғаниқызы, А.С.Пушкин атындағы Оңтүстік Қазақстан облыстық әмбебап ғылыми кітапханасының кітап қорын сақтау бөлімінің меңгерушісі Сералиева Гүлзира Төлеубекқызы қазылық етті.

Әділ қазылардың шешімімен:
І орын
Алшора Бекайдар С-Стдқ-9.03-24 тобының білім алушысы
ІІ орын
Сайпил Нұрадин С-Стдқ-9.03-24 тобының білім алушысы
ІІІ орын
Тұрғанбекова Ұлжан С-Міқ-9.02-24 тобының білім алушысы
Ерәділ Тоғжан С-Міқ-9.02-24 тобының білім алушылары иеленді.
Сайыс жеңімпаздары диплом мен алғыс хаттармен марапатталды.