Тәжірибе алмасу

Беларусь мемлекеттік медициналық университеті (Минск қ., БММУ) мен ОҚМА арасындағы академиялық және ғылыми ынтымақтастық пен алмасу туралы келісім аясында, ВОП-2 кафедрасында академиялық ұтқырлық бағдарламасы бойынша БММУ терапия кафедрасының доценті, м.ғ.к., Беларусь Республикасы ДСМ жалпы тәжірибе бойынша бас маманы, Беларусь геронтологтар және гериатрлар қоғамының төрағасы Сушинский Вадим Эдуардовичтің сапары жалғасуда. Бұл бастаманы м.ғ.д., профессор Гүлжан Нұрбекқызы Досыбаева белсенді түрде қолдады.
Визитинг бағдарламасы аясында 2025 ж. 03.12 Облыстық клиникалық ауруханада (ОКА) жалпы тәжірибе дәрігерлеріне, Түркістан облысының тар мамандарына, сондай-ақ ЖТД-2 кафедрасының 7-курс интерндеріне арналған «Дислипидемия: диагностика және емдеудің өзекті мәселелері» тақырыбында семинар өтті.
Семинар барысында дислипидемияның негізгі аспектілері талқыланып, тақырып интерндердің қызығушылығын тудырды. Лекция соңында сұрақ-жауап форматында пікірталас өтті.
Сонымен қатар, аурухана басшылығымен кездесу өтіп, медициналық қызметті ПМСП және стационар деңгейінде оңтайландыру жолдары, сондай-ақ екі елдегі денсаулық сақтау жүйесінің ұқсастықтары мен айырмашылықтары талқыланды. Кездесу барысында аурухананың құрылымы мен жұмыс тәртібі таныстырылды. Аурухананы аралау жедел жәрдем қабылдау бөлімінен басталып, науқастың ауруханаға түскен сәтінен бастап емделу маршруты қарастырылды. Кейін кардиология, гастроэнтерология, ревматология, нефрология және гемодиализ бөлімдеріне бару ұйымдастырылды. Бөлім меңгерушілері стационар, емхана және оңалту арасындағы сабақтастыққа ерекше назар аударды.
Кардиология бөлімінде ауру тарихы негізінде соңғы жылдары әлемдік тәжірибеде диагностика және емдеу хаттамаларындағы өзгерістер қарастырылды.