Сыртқы академиялық ұтқырлықты жүзеге асыру

Жоғары оқу орындары арасындағы ынтымақтастық туралы Меморандум негізінде Ташкент фармацевтика институты (ТашФармИ) шақыртуымен осы жылы қазан айының 8-9 жұлдызында проф. С.К. Ордабаева фармацевтикалық химия кафедрасы базасында болып қайтты.    

Шақырту бағдарламасы фармацевтикалық химия кафедрасы ұжымымен, оқу және ғылыми-зерттеу жұмыстарымен және 80-жылдық тарихы бар ТашФармИ-мен толық таныстырумен басталды. Студенттер мен профессор-оқытушылар құрамына ароматты және гетероциклді қатарының дәрілік препараттарын талдау, дәрілік заттар сапасын бақылау және стандарттау мәселелері, олардың Қазақстан Республикасындағы ерекшеліктері туралы семинар-тренинг, дәріс сабақтары өткізілді. 

ТашФармИ ректоры, проф. И.И. Алимджановпен кездесу барысында ынтымақтастықты ары қарай жалғастыру, оқу семестрі, өндірістік тәжірибе уақытында студенттермен алмасу,  бірлескен ғылыми жобаларға, ғылыми-практикалық симпозиумдарға қатысу, екі және басқа да ЖОО алдыңғы қатарлы ғалымдарын шақырту мәселелері талқыланды. 

Проф. С.К. Ордабаева ТашФармИ басшылығынан, фармацевтикалық химия кафедрасы ұжымы мен студенттерінен жүргізілген жұмыстары үшін жоғары бағаланып, алғыс алды.