Сыбайлас жемқорлыққа қарсы іс-қимылды және төзбеушілікті күшейту тақырыбындағы дөңгелек үстел.

Қазақстан тарихы және әлеуметтік-қоғамдық пәндер кафедрасының доцент м.а. О.А.Туребаев 27.03.25ж. күні 1 курс «Стоматология» БББ студенттерімен «Сыбайлас жемқорлыққа қарсы іс-қимылды және төзбеушілікті күшейту» тақырыбында дөңгелек үстел өткізді. Дөңгелек үстелдің мақсаты: Қоғамның әртүрлі орталарындағы сыбайлас жемқорлықтың алдын – алу, профилактикалық жұмыстарын насихаттау; сыбайлас жемқорлыққа қарсы күрес туралы заңдарды негізге ала отырып, құқықтық мағлұмат беру,білімдерін дағдыландыру; саяси өмірден хабардар жеке тұлғаны қалыптастыра отырып, шәкірттердің еркін сөйлеуіне, қоғамға деген өз ой - пікірлерімен санасуға жағдай жасау, ҚР-на адал қызмет етуге, Ата заңды құрметтеуге, адамгершілікке тәрбиелеу. Бұл тақырып жастар арасында сыбайлас жемқорлықтың қоғамға және жеке тұлғаға әсерін түсіндіру, оларды жауапкершілікке тәрбиелеу үшін қажетті негіз болады. Студенттер, болашақ мамандар ретінде, қоғамда өзгерістер мен жақсартулар жасауға ықпал ете алатын маңызды күш болып табылады. Сыбайлас жемқорлыққа қарсы іс-қимылды және төзбеушілікті күшейту — бұл қоғамның экономикалық және саяси тұрақтылығын қамтамасыз ету үшін маңызды шара. Сыбайлас жемқорлықтың алдын алу және оған қарсы төзбеушілікті қалыптастыру түрлі деңгейдегі мемлекеттің, қоғамдық ұйымдардың және жеке азаматтардың белсенді қатысуын талап етеді. Дөңгелек үстел барысында доцент м.а. О.А.Туребаев білім алушылармен еліміздегі және шетелдегі жемқорлыққа қарсы заңдар мен шараларды талқылады. Сонымен қоса, білім алушылар сыбайлас жемқорлық туралы өз ойларын білдіріп, оған қарсы тұру жолдарын атап өтті.