"Сервис дизайны және оны практикада қолдану" семинары

2022 ж. 4 қарашада Қарағанды қаласында Қарағанды медицина университеті және JAMK (Финляндия) қолданбалы ғылымдар университеті "Сервис-дизайн және оны практикада қолдану" семинарын ұйымдастырды. Семинар Aссeled ("Қазақстанның жоғары білім беру жүйесінде магистратура және PhD докторантура деңгейінде мейіргер ісін жетілдіру") жобасының бір бөлігі болып табылады, оны Erasmus + арқылы ЕО қаржыландырады және жоғары білім берудің әлеуетін арттыру және реформалау үшін инновациялық жобаларды іске асырады.
Семинар Жоғары оқу орындары мен денсаулық сақтау ұйымдарынан академиялық қызметкерлер мен мейіргер ісі бойынша эксперт сарапшыларды жинады. Семинар жұмысына ОҚМА командасының "Жедел медициналық көмек және мейіргер ісі" кафедрасының меңгерушісі Сейдахметова Айзат Әшімханқызы және кафедра ассистенті Юнусметов Элдор Шавкатұлы жүргізген зерттеуі туралы баяндамамен қатысты.
Семинардың мақсаты - Қазақстанда сервис дизайн әдісін енгізу және қолдану тәжірибесімен алмасу, талқылауға, таратуға бастамашылық жасау және жоба шеңберінде әзірленген оқу-әдістемелік материалдардың тұрақтылығын қамтамасыз ету.
Семинар аясында Сервис-дизайнды енгізу тәжірибесі, практикалық денсаулық сақтау және медициналық университеттер/колледждердің ынтымақтастығы туралы JAMK (Финляндия) қолданбалы ғылымдар университетінің қызметкерлері Йоханна Хейкиля, Ханнеле Турвайнен, Қазақстанның жоғары оқу орындары мен колледждерінің өкілдері баяндама жасады.