Сенбілік – тазалық пен тәртіп жолы

16.11.2024ж. күні ОҚМА-да сенбілік өткізілді. В-МҚАБ-01-24 тобының білім алушылары мен тәлімгері Махатова Лайла Талғатқызы академия ауласын тазалады.
Қоршаған ортаның, отанымыздың тазалығына жауапкершілікпен қарау – әрбір азаматтың басты міндеті. Осы орайда бүгін ұйымдастырылған сенбілік академиямыздың тынысының кеңеюіне үлесін қосып қана қоймай табиғатты аялау екені сөзсіз. Академияның аумағында өтіп жатқан сенбілікке факультет басшылығы бастаған тазалық жанашырлары «Медицина» мамандығының студенттері мен тыңдаушылар аз уақыттың ішінде айналаны тазартып, академия тазалығы үшін тер төкті. Академия көлемінде жүргізіліп жатқан тазалық жұмыстарына оқытушылар мен білім алушылар сенбілікке бір кісідей атсалысып, әрбір бөлінген көшелер мен академия аумағында қоқыс қалдықтарын, күзгі жапырақтарды жинап, тазалық жұмыстарын қарқынды жүргізді. Тазалық шарасына қатысушылар қажетті құрал-жабдықтармен, қолғаптар мен қоқыс салатын қаптармен қамтамасыз етілді. Бұл шара медецина факультетінің, білім алушылардың табиғатқа деген жақсы қарым-қатынасын қалыптастыру мен тазалықты сақтау және экомәдениетті қалыптастыру мәселелеріне қоғам назарын аудартуға, санитарлық жағдайын жақсартуға бағытталды.