«Сәкен – сұңқар»

Қазақтың атақты ақыны, жалынды жазушы, дарынды драматург, ұлт жанашыры, мемлекет қайраткері Сәкен Сейфуллиннің туғанына 130 жыл мерейтойына орай, 2024 жылы 22 қазан күні Оңтүстік Қазақстан медицина академиясы АҚ жанындағы медицина колледжі «Жалпы білім беретін пәндер» кафедрасының қазақ тілі мен әдебиеті пән оқытушылары және Шымкент қаласы, А.С.Пушкин атындағы әмбебап ғылыми кітапхана қызметкерлерінің ұйымдастыруымен «Сәкен –сұңқар» атты әдеби кеші өтті.
Әдеби кештің мақсаты – жас ұрпаққа тарихымызда абыройлы орын алатын ақын, жазушы Сәкен Сейфуллиннің өмірі мен шығармашылық мұрасын түсіну арқылы білім алушыларға рухани құндылықтарын таныстыру, жалпы адамзаттық және адамгершілік-рухани құндылықтарды нығайту.
Әдеби кеште Оқырмандарға қызмет көрсету бөлімінің өнер секторы басшысы Р.Д. Теңілбаева Сәкен Сейфуллиннің өмірі мен шығармалары жайлы кітап көрмесімен таныстырды. «Жалпы білім беретін пәндер» кафедрасының меңгерушісі А.Т. Сатаев әдеби кештің ашылуында С. Сейфуллин туралы тың мәліметтер беріп кетті. Білім алушылар ақын өлеңдерін, арнауларын мәнерлеп оқып, көрініс көрсетті, алғыс хатпен марапатталды.