«Қара шаңырақ - қазақтың алтын діңгегі» атты семинар

17 наурыз 2025 жылы қазақ, орыс және латын тілдері кафедрасының ұйымдастыруымен «Наурызнама» мерекелік онкүндігінің тұжырымдамасы аясында жалпыұлттық отбасылық құндылықтар мен өнегелі ұрпақ тәрбиелеуді дәріптеуге негізделген «Шаңырақ» күніне орай «Қара шаңырақ - қазақтың алтын діңгегі» тақырыбында семинар өткізілді.
Кафедраның доцент м.а., ф.ғ.к Г.К.Темірбекова мен аға оқытушы Д.Ж.Кемелхан баяндама жасап, қазақ мәдениетінде шаңырақтың қадір-қасиеті айрықша екенін, сонымен қатар ол – әрі аспан күмбезі, әрі үй-жай, әрі тірек, әрі бақуаттылық пен қауіпсіздік және ұрпақтар сабақтастығы екенін айтып өтті. Семинарға шетел топ білім алушылары қатысқанына байланысты ағылшын тіліне аға оқытушы А.Е. Темірова аударма жасады.

Жастар саясаты бөлімінің жетекші маманы Ж.Қамбарова сөз алып, Шаңырақ – отбасы белгісі, сондықтан да қазақ халқы жас жұбайлардың отау құрып, шаңырақ көтеруіне ерекше мән бергенінен және «Ата – асқар тау, ана – бауырыңдағы бұлақ, бала – жағасындағы құрақ», «Атасыз үй – батасыз, анасыз үй – панасыз» деген мақалдың өзі соның айғағы екенін айтты. «Наурызнама» мерекелік онкүндігінің жоспарымен таныстырып, келе жатқан Ұлыстың Ұлы күнімен құттықтады.

Семинарды өткізудің мақсаты - елдегі жас ұрпақты тәрбиелеу ісін дұрыс жолға қойып, олардың бойында патриотизм, адамгершілік, білімқұмарлық пен еңбекқорлыққа деген құштарлықты қалыптастыру.