«ОҚМА аруы – 2019» байқауы өз мәресіне жетті

Шымкент қалалық «Жастар ресурстық орталығында» академияның 40 жылдығына орай Әлеуметтік мәселелер және жастар саясаты басқармасының ұйымдастыруымен «ОҚМА аруы-2019» байқауы өткізілді. 

Аталған шараның мақсаты – Жастар жылына сәйкес жастарға қолдау көрсету, салт-дәстүрлерімізді насихаттау, аруларымыздың қабілеттерін ашу, үздіктерді анықтау.

Оқу жылының басында 32 үміткер іріктеуге қатысып, ару қыздарымыз талай сынақтан өтті. Ақтық сынға бақ сынасу үшін 6 аруымыз шықты.

Байқау «Мен қазақтың қызымын» ұранымен басталып, ару қыздар өздерін әнмен, көркемсөзбен таныстырды. «Зерделінің ойы озық» кезеңінде тұңғыш Президент Жолдауларынан, қазақтың салт-дәстүрінен, ақын-жазушылардың шығармаларынан, еркін тақырыптарда берілген 10 сұраққа 1 минуттың ішінде жауап беріп, білімдерін көрсетті. «Өнерлі өрге жүзер» кезеңінде әр ару бойындағы өнерімен көзге түсті. 

«Сұлулық сыры» бағыты бойынша сәнді киім үлгісін көрсеткен аруларымыз әділ қазылардың әділ бағасымен бағаланды. 

Байқау қорытындысы бойынша «ОҚМА аруы-2019» Ж.Төрегелді, ІІ орынды – А.Асқарқызы, ІІІ орынды – А.Абдықадыр, «Көрермен көзайымы» - А.Абдрахманова, «Білімді ару» - А.Багирова, «Өнерлі ару» - А.Рахмателла номинацияларымен марапатталып, диплом және қаржылай сыйлықтарға ие болды.