«Мұздағы жауқазындар» атты тағлымды кеш

18.03.25ж. күні А.Пушкин атындағы қалалық әмбебап кітапханасында «Қазақстан тарихы және әлеуметтік-қоғамдық пәндер» кафедрасының аға оқытушысы А.Ж.Ибраимова және 1 курс «Медицина» факультеті студенттерінің қатысуымен «Қазақтың қызы- қазақтың мақтанышы» циклды іс-шаралар аясында «Мұздағы жауқазындар» атты тағылымды кеш өтті. Мақсаты: жастарға жылы сезімдер мен ішкі күш-қуат беретін, табиғаттың нәзік әсемдігін көрсете отырып, қоғамдағы бірлікті нығайту. Кеш барысында мұзды мүсіндер, өнер туындылары және шығармашылық іс-шаралар арқылы қатысушыларды рухани байыту мен қолөнерді насихаттау көзделді. Тағылымды кешке өңіріміздің зиялы қауым өкілдері, ЖОО-ң оқытушылары мен білім алушылары қатысты. Іс-шара барысында қазақ халқының тарихынан сыр шертетін бейнемазмұнды қойылымдар, әдеби шығармалардан үзінділер, ұлттық әндер мен билер орындалып, студенттер арасында ұлттық құндылықтарды бағалауға, ұлтжандылықты арттыруға бағытталған әңгімелер жүргізілді. Сонымен қатар, кеш барысында студенттер қазақ халқының дәстүрлерін, оның ішінде әйелдерге деген құрмет пен рөлін айшықтап көрсететін өнер туындыларын ұсынды. Тағылымды кеш жастардың қазақтың бай мәдениетіне деген сүйіспеншілігін арттыруға, болашақ ұрпаққа ұлттық рухты сіңіруге ықпал етті.