«Мен – донормын, өзгеге үміт сыйлаймын!» акциясы

2019 жылдың 5 ақпан күні академия студенттері Жастар жылына орай ұйымдастырылған «Мен – донормын, өзгеге үміт сыйлаймын!» акциясы аясында ерікті түрде қалалық Қан орталығына барып қан тапсырып қайтты.

Бойында мейірімі бар жастарымыз қан орталығы ұжымы мен қан тапсыруға келген Шымкент қаласы тұрғындарының ыстық ықыласы мен алғысына бөленді. 

«Қоғам маған не береді емес, мен қоғамға не бере аламын» деген академия жастарының алдағы уақытқа қойған мақсаттары көңіл қуантарлық.

Аталған эстафетаны академия жастары барша Түркістан облысының жастарына жолдайды! Жастар жылында жақсылық жасаудан жарысайық!