«Медициналық кадрларды даярлауда ЖОО мен жұмыс берушілердің бірлескен жауапкершілігі»

2019 жылдың 15 қаңтар күні «Оңтүстік Қазақстан медицина академиясы» АҚ басшылығының ұйымдастыруымен «Медициналық кадрларды даярлауда ЖОО мен жұмыс берушілердің бірлескен жауапкершілігі» тақырыбында дөңгелек үстел өткізілді. Бұл іс-шараға академияның оқу-әдістемелік жұмыстары жөніндегі проректоры Анартаева М.Ұ., бөлім басшылары, кафедра меңгерушілері, Арыс, Қазығұрт, Ордабасы аудандық ауруханаларының өкілдері және Шымкент қаласындағы медицина мекемелерінен бас дәрігерлермен, бас дәрігердің орынбасарлары қатысты. Дөңгелек үстелде «Жалпы тәжірибелі дәрігер» және «Терапия» мамандықтарының болашағының маңыздылығы туралы, құзіреттілігін күшейту жайында және мамандықтар бойынша түлектердің жұмысқа орналасуын шешу мәселелері талқыланды.