«Мәдени және ұлттық салт-дәстүр күні»

16.03.24ж. күні «Қазақстан тарихы және әлеуметтік-қоғамдық пәндер» кафедрасының ұйымдастыруымен «Наурызнама» мерекелік онкүндігінің тұжырымдамасы аясында «Мәдени және ұлттық салт-дәстүр күніне» орай мерекелік іс шарасы өткізілді.
Мерекелік іс шараның мақсаты: Қазақ халқының бай мәдени мұрасын, ұлттық салт-дәстүрлерін насихаттау, жастар арасында ұлттық құндылықтарға деген қызығушылық пен сүйіспеншілікті арттыру, сондай-ақ Қазақстанның көпұлтты қоғамында бірлік пен татулықты нығайту болып табылады. Бұл іс-шара қазақ халқының мәдениетіне терең бойлап, оның тарихы, өнері, дәстүрлері мен әдет-ғұрыптарына көңіл бөлуге, сондай-ақ халықтың ұлттық болмысын сақтап, оны болашақ ұрпаққа жеткізуге бағытталған.
Мерекелік іс-шарада «Медицина», «Фармация» факультетінің 1-2 курс білім алушылар арасында ұлттық құндылықтарды дәріптейтін «Тұсаукесер», «Сырға салу», “Беташар” салт –дәстүрлері көрсетілді. Іс-шара барысында ұлттық ойындар ойнатылып, би мен әндер орындалып, ұлттық тағамдардан дастархан жайылып, дәріптелді.
Сонымен қатар, “Жігіт сұлтаны-2025” байқауы өткізілді.
“Жігіт сұлтаны-2025” байқауының мақсаты – жастардың арасында ұлттық құндылықтарды, денсаулықты сақтау, өнерді бағалау, білімге деген ынтаны арттыру, сонымен қатар патриотизм мен жауапкершілік сезімін қалыптастыру. Бұл байқау жастардың жеке дамуына, қоғамдық жұмыстарға қатысуына, өзіне және қоғамға деген жауапкершілікті арттыруға мүмкіндік береді. Байқау жігіттердің білімін, өнерін, мәдениеттілігін және спорттық қабілеттерін көрсететін алаң болып табылады. Сонымен қатар, ол қазіргі қоғамда жігіттер үшін үлгі болатын тұлғаларды қалыптастыруға бағытталған.
Аталмыш байқауда жігіттер қол күрес, ұлттық салт-дәстүрге байланысты викториналық сұрақтарға жауап беріп, өз өнерлерін көрсетті.
“Жігіт сұлтаны-2025” байқауының жеңімпазы – «Медицина» факультетінің 1 курс студенті Жұмабекұлы Ернар иеленді.
Аталмыш мерекелік іс шараға белсене қатысқан 1-2 курс білім алушылары Алғыс хаттар және естелік сыйлықтармен марапатталды.