«ІЗГІЛІК ШУАҒЫ» ҚАЙЫРЫМДЫЛЫҚ ЖӘРМЕҢКЕСІ

12.11.24ж. күні «Қазақстан тарихы және әлеуметтік-қоғамдық пәндер» кафедрасы, ОҚМА-ң жастар саясаты бөлімі және «Ізгілік» қорының біртоп еріктілер тобымен бірлесе отырып қайырымдылық жәрмеңкесі ұйымдастырылды.
Қайырымдылық жәрмеңкенің мақсаты: білім алушылардың бойында қамқорлық сезімдерін ояту, игі істер жасауға дағдыландыру. Жәрмеңкеден жиналған қаражат асыраушысынан айырылған аналардың кәсіп бастап, мұқтаждықтан арылуына жұмсалады. Қайырымдылық жәрмеңкесі-бұл қолдауды қажет ететін адамдарға көмектесудің тамаша тәсілі ғана емес, сонымен қатар адамдардың жанашырлық пен жауапкершілік сезімдерін тәрбиелеу. Аталмыш қайырымдылық іс-шараны «Қазақстан тарихы және әлеуметтік-қоғамдық пәндер» кафедрасының меңгерушісі Ж.О.Нуржанбаева ашып, білім алушыларды қайырымдылық іс-әрекеттерге шақырды.Жастардың игі бастамасы көпшіліктің көңілінен орын алды. Сондықтан бұл шара алдағы уақытта да жалғасатыны анық.