Біз студенттерімізбен мақтанамыз!

2018 жылдың қазан айының 20-21 күндері Семей медицина университетінің ұйымдастыруымен Қазақстандық медицина студенттері қауымдастығының (KazMSA) арасында І Республикалық пән олимпиадасы өтті. 2 күнге созылған олимпиада 6 кезеңнен тұрды: биохимия, анатомия, микробиология, десмургия, клиникаға кіріспе және алғашқы жедел көмек. Қазақстанның медициналық оқу орындары арасында өткен олимпиада жоғары деңгейде жүргізілді.

6 кезеңде де дайындыққа уақытты қажет етпей, бірден жауап беруге талпынған біздің студенттеріміз теориялық білімдері мен тәжірибелік дағдыларын жоғары дәрежеде көрсете білді. Нақтырақ айтқанда, тәртіп пен білімді бірге серік еткен ОҚМА белсенділері оқу орнымыздың намысын абыроймен қорғап, Қарағанды мемлекеттік медицина университетінен кейінгі жүлделі ІІ орынды иеленді. Ал ІІІ орын Астана медицина университетінің студенттеріне бұйырды.